عركات البنات بنوعيها مال المدارس الحكوميه ومدارس الجذب الجيد.....لمن تريد التعلم

اشونكم

بنات المدارس المتميزة او الجذب الجيد

طبعا عركاتهم بس حجي يعني ماتوصل للضرب
كل وحده تخاف على تسريحتها والميك آب لايسيح
وبلوزتها الماركه لايصير بيها فدشيء

نبدأ مع الآنسه سوسو : انتي منو الي سمح لج تحجين اسراري لصديقاتج؟

شوشو : والله انتي الي بديتي قبلي فتنتي هاهية وحده بوحده

سوسو : ماتوقعتك هشكل لئيمة ياحقيره ........(المسبه الشهيره للبنات )

شوشو : انتي شلون تكولين هالكلمه تدرين اني بنتمن ؟ انجبي ياخايسه .........(قويه والله)

سوسو : انا خايسه ياشادي مباوعة على نفسج بالمراية؟............... او عصبت البنية شوية شوية (ديري بالج تصيحين بعدين الكحل يسيح)

شوشو : انتي الشادي جنج بيبي لابسه تي شيرت زمن جدي

سوسو : يلا روحي لاتحجين ويايو بعد انتي مو من مستواي اني زاعلتج ............( انتهت عركتها ومبقالهة اسلحة )

شوشو : يللة روحي ياجبانه دائما تجذبين وتقولين لبسج ماركه بس احنا كشفناج وشفنا القطعة مال هدومج كللة mide in chaina ........... (كبت العركة مرة لخ)

تكوم سوسو الي تعصبت جدا وتجب الببسي على شوشو ................طبعا هالحركة اخطر شي (كل قوتهة)

والبنات كلهم بصوت واحد وييييييييييي التسريحه راحت

شوشو : ياسخيفة خربتي تسريحت شعري ................(متعصبة وراح يغمى عليها)سوسو : أحسن حتى هسة اني اكون احلى منك ...............قويه

بعدين هاهية كل وحده بيهم تبجي وتتعب نفسيتها وتخلي السايق والحارس (تخاف من الخطف)يجي ياخذها حتى تكمل البجي عند الماما .................(ماماتي ههههه) عود كاعدة تبجي

المدارس الحكوميه

طبعا الشعب العراقي كله يحضر المصارعه الحره ويشتغل التصفيق والتصفير وكل وحده تجيب

صديقتها العراكة (اخاف يحتاجون امدادات) حتى بس احد يعيط و الله......... .عليهم عبالك عركة مال

ولد

عايشة : هدوني والله اله اخذ حقي بيدي ............اللسان مايكفي هع هع

عدوية : اكلج لج بيج خير ومدي ايدج اذا ما اكسرها ..............(هههههههه قويه )

عوووش : اني اعرف شلون اعلمج التربية اذا ممربيج اهلج بنت الشوارع ام السحورة

: والله انا الي اربيج انتي وواهلج يابنت الشوارع .................... (ابو الشباب سلهيها يمعود)

يبدي المكافش طبعا وكل وحدة تطرح اللخة والبوكسات والعض والشعب يشجع طبعا

هاي شنو؟ خوش خوش تخلين عدوية تضربج من عمت عينج .....................(الأخت تحمي العركة وتزيدها)

وكل وحده ورة ميشبعون بسط تقوم الخرمشات على وجهها والورمات والالشعر الي صار بالكوم بالكاع

والمدرسة الي تفاكك بيناتهم هم تطلع قميص مشكك وكم راشدي بالغلط او متقصد؟؟؟؟؟؟؟؟؟؟؟

بعدين يكتبون تعهد وياخذون رزالة وجم راشدي لاخ ع الوهس من المديره بالصف وكل وحده تضحك

وتتمصخر .........وكاعدة

تحيي الجماهير والمشجعين

GA_googleFillSlot("iraqna3");