__________________
بعد ياصاحبي لا تحجي ويايْْ لأن ماقدرت كل السوالف
امس ماسامحتني وانتَ غلطان خمس مرات اجيت وكتلك آسف
بس انه اعتذر وانته ابن القصور قابل تعتذر لبن الصرايف
عله موقف غلط مني تبريت وعيونك نست كل المواقف
اوخمس اسنين الك شمعه انه ضويت اضوي واحتركلك وانه خايف
وتطفيني العواصف وابقى اضويك اوتخليني وتروح وي العواصف
//////////////////////////////////////////////////////////////////////////////
الواحد فرد مايقبل التقسيم
بس انه انقسم وبدونك اتعدد
اتقسم بدونك وانجمع وياك
لأن كلي ويه كلك بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذرة ذرة وصرت اغار اعليك
اذا محد يبوسك اذبح المحد
ولك لاتنطرح يم ناس تعبانين
مو طولك حصار شلون تتمدد
وشعرك ليله ظلمه اتوحشت عالريح
كل ما هب عليهه اتلفلفه بأسود
وجبينك ايد موسى المعجزه البيضاء
مو حقه الكفر والشافك اتعبد
وفراشة نور اذنك والزلف خطار
مره يحط عليهه ومره يتعبد
وجفنينك سما ومجفي اعلى رمشك ليل
اذا ترمش يظل فرقد يطك فرقد
يل عينك بحيره كل هدوء الليل
ودموعك نوارس لو مشت عالخد
وعله اخدودك صور منقوشه من بوسات
اباوع عالصور مابايسك احد
وشفتينك شمس من تبتسم نصين
يقطعها البرد وبنصها يتجمد
وحنجك صدر بجعه انصاغت من النور
اذا ماتت شمس من نورك اتولد
ومثل زمزم ركبتك نص ذهب نص جام
وعين الماي هاي الـ عالصدر تركد
وانام اباب صدرك واذنب وانخاك
كبتين الذهب ماتشفع لأحد
يبو ايد الثلج لاتطلع بتموز
مو خاف الثلج خاف الخلك تبرد
واذا مو هالثلج كل هالبياض منين
معقول العظم فوك الجلد يصعد
يل جتفك مناره بياشرع يا دين
اموت من العطش واكبالك اتشهد
وحدر جتفك فرات ودجلة ملتقيات
وشفت شط العرب جوه الجتف ممتد
واباوع عالبطن مو ركبة الدلفين
لأن عين الحياة بصرتك تركد
يبو تاج الكطن لين افتحتلك باب
مو خاف الكطن بالعين يتفرهد
خطواتك حضاره وخصرك التاريخ
اذا تمشي العرب فوك الفرس تصعد
وعلّي كل ماتمر يجبرني حسن البيك
اوصفنك لجن من وصفك اتردد
لذلك ماوصفتك واعتذر يهواي
وصفت الخيال المنك اتولد
رسالة sms
07/03/10, 02:10 pm
