لانك بالتزامك مو من اهلك
اخاف تشيل ذنبي مو من اهلك
منو بكدي يحبني مو من اهلك
منوبكدي يحبك من عشرتك
وتمنى يصير اصبع من عشرتك
وانا شكضيت خايب من عشرتك
اعد بسنين عشرتنا واهج روح
واحس ويه النفس يطلع وهج روح
واخيرا كتلي ودعني وهج روح
اروحن وين ما اكدر هوى انته
وانا الماهان من اجلك هونته
الي بدنياي شي واحد هو انته
وحرت بين ان تركته وان تبعته
انا الونيت وال ون... ون .. تبعته
ما باعك حبيبك وانته بعته
حبيبك باع عمره واشترك بيه
وحزن قلبه على حزنك واشترك بيه
بعد شدوس قلبي واشترك بيه
جبل حبك وتكلكل من تكل بي
ودنيا شما دفعتي لانتكل بي
واذا تنسى يا قلبي لا انت قلبي
ولا اريدك بعد وبصدري احملك
وحبيبي اشلون ترضه بصدري احملك
اذا حملك لتعبك صدري احملك
الي ورح الارض و شكد دولهة
وتداوي الداء لو بالمخ دوة الهة
بس العين مايحصل دوة الهة
دواهة العين خلهة من تقر بي
وتصب كلما تشوفك ما انت قربي
ولك شيصير حبك من تقر بي
وتحبني انته يقين بصدري مو شك
الف شوكة سكوت بصدري مو شك
انذبح قلبي وتشظى بصد رموشك
وعرف محد يدفنه وشي دفن شي
وعكب صدر المواكب شي دفن شي
كفر من رسم غيرك شي دافنشي
واظن للجنه يدخل من يرسمك
وحبيبك يمسح اسمه من يرى اسمك
بسمك حبي جمالك من يرسمك
وانا الليل بعيونك شفته كحله
وشفت شمس الاصيل وشفتك احله
العسل من ضكته كلك شفتك احله
اذن... لو من شفاهك بستك اشفه
اذا انته المات.... يعدل ... بس تكشفه
اشتظن؟؟؟؟ حبك يضعفك بس تكشفه
وعلي تخفي اهتمامك واكتراثك
وانا ال من مات قلبي وكتي راثك
نسيت الحب الاول وك تراثك
صدك ينسى تراثه هسة جيلك
تشوف سواجي عيني هسة اجي لك
وانادي وما تكلي هسة اجيلك
صحتلك يا... وصارت كبريائي
واذا رائيت بالشط كب ريائي
حبيبي اشلون تجرح كبريائي
تذلني قبال كل ناسك وناسي
وبقيت بصحرى شاتلني وناسي
ناس تقول لا تسكت وناسيه
لان كلش مذلتي لاكت ال هم
وجبل حبي المقدس لاكتلهم
كالوا حيل ذلك لا كت الهم
عنايه احتاج قلبه وجاي اعاني
وخفيت شكثر منك جاي اعاني
تمرمرني من ازورك جايع؟؟ اني
شكثر ندمان جي بيتك عتبته
وعرفني الباب من دكتي وعتبته
عتابي وياك جي احبك عتبته
قلبي شلون يمهم واذ كسرته
اسير وذل شجالك وك كسرته
كبل جانت اسرتك وك اسرته
اسرتك هسة سمتني الضحية
رسالة sms
08/03/10, 06:52 am
