قصيدة جميلة

هذه القصيده لشاعر احب امرائه ولاكن التقاليد ابت ان يتزوج بها وتمرض وحين اخبره صديقه كاظم بزواج حبيبته كتب القصيده ليلا ثم مات ونهاية القصيدة تدل على ذلك وهي رساله الى صديقه كاظم وقصتها طويله ومؤلمه وكتفيت بالاختصار ليتسنى قراتها
يكاظم مهجة الهجران عادمهه
راح الجان سلوله وينادمه
..................................
راح الجان بيه الكلب يسله الداي
راح وراح شوفي وكثر نوح ابجاي
وحك الزاد ما لذ زاد الي يو ماي
عكب اغذاي من رجفة مباسمهه
.........................................
ذاك اغذاي جان وحيف مني راح
كمت اصفن وصك الراح فوك الراح
اخبرك شامتي اتبره وعدوي ارتاح
من شاف النوايب كثرن مئاتمهن
...........................................
مشتد ماتمه وبيت العزه منصوب
على ولفي ودليلي والعكل مسلوب
يكاظم ناحله روحي بزفير اذوب
صارت ببرت الخندوس تلضمهه
....................................
روحي اتذوب اه اواه جسمي انحيل
من راح عقلي ولا بكالي حيل
من اتريده العذال طبعه ايميل
جيف وصورته من الجهل مطبوعه
...........................................
يكاظم صورته من الزغر مطبوعه
اشلون اترك حبيبي وحلو ينبوعه
اوصاف اهل الحسن بس بيه مجموعه
يجل القلم اوصافه منترجمهه
...................................
وصفهه من اوصفلك وصفهه ايحور
جبين وجعد ماوالله التكن بالحور
الشمس حلت بغرته وضواهه اينور
لجن ليل الصدغ بالعكس يضلمهه
.....................................
ليل الصدغ يظلمهه وفجر ينطر
من خدهه وشعاع الفجر يطشر
سهم عينه انتصب ونتصب بيه الشر
بكَوس من الحواجب من يصل يمهه
........................................
خطر وليعرض على نفسه على دمه ايدوس
من عينه اليرشكه النبل رد ما يوس
ما يحصل مثلهه الا بجنة الفردوس
غريب اطواره وزين وعلايمهه
..........................................
علايمهه غريبه وصف ما يوجد
عجن عرجونهه من مثمن العزجد
الثغر محبس وحق سورة بره ومجد
ازيدك من شراب الماي محرمهه
............................................
محرمهه شراب الماي ما تكدر
حي حلو المباسم ليلو امسطر
جيد الهه على جيد الريم يتفطر
فضه اعضودهه ولفت معاصمهه
..........................................
حي حلو المعاصم والنهد فنجان
مودع مني الصحيح مطرز بمرجان
مله قرطاسهه من سورة الرحمن
وبختم النبي سليمان خاتمهه
..........................................
خاتمهه الاله بغاية التصوير
مليحه سالمهه التقديم والتاخير
لوعالم يراهه بداخل التكبير
يترك قبلته وغصبن يكلمهه
....................................
يكلمهه بخضوع ومن ضياهه ايذل
معدلهه الكريم بقدرته اتعدل
الحجل بالساك لا يصعد ولا ينزل
تارس ومن شحيح الجدم ومن جفه
...........................................
من ريح الهوهه تنثني اتميل اتلين
من ضعف الموسط تنجسم نصين
والموسط يكاظم فتر وشهوده
....................................
يكاظم بالسويده الالم وعمه العين
يكاظم راح ولفي امين اجيبه منين
ها روحي ثلث تيام ها يومين
ها قبل الفجر يكرب محتمهه
.....................................


يتبع

يسلمو خيتو هديل على مورج الرائع

تحياتي


الج المايسترو