هدآآآآآء خاص لجلســـة سمر

موضوع: هدآآآآآء خاص لجلســـة سمر 19/03/10, 07:07 pm

اني ادري هواي اجوي وصارحوك
وادري ماتو بيك الاف البشر
من تصير الدنيه ضلمه وكلهه ليل
كل عيون الناس تبقه اعله الكمر
اني ماكتلك احبك بس بقيت
كاعد بوحدي واموت من القهر
لاتدير عيونك شمالك شجاك
فدوه ضل بعيني باوع من تمر
صرت احس بيك بكثر هم العراق
وصرت احسك بييه الهام وشعر
ابدي اعد من الصفر واحسب هواك
تخلص الارقام وارجع للصفر
عندي كومه ذنوب صارت من وراك
لان عني بعيد مابطل كفر
فكر بحالي ولو ساعة زمان
هي ساعه شبيك صدك ماتضر
واذا حسيت الوكت بيهه يضيع
عود اعوضك عنهه وانطيك العمر
عيني بعيونك جنت شنهو شبلاك
ليش غيرت الحجي الكاله النظر
واني جنت اتوقعك لوما اجيت
يوم واحد ينحسب عندك شهر
ثاري غلطان اطلعت واني من اغيب
شهر عنك بيك ما اترك اثر
راح ارد النوب وارجع من جديد
يلوي جفني الليل واسكر بالسهر
شلون انسه وانته يمي بكل مكان
وين ما اندار اشوفك مستقر
التمر مادام باقي بهالوجود
لاتضن الكون يخله من الخمر
طوقتني دموعي اشرد وين اروح
حاصرتني الدمعه شو من كل كتر
هو كلبي واني مسؤول بهواه
عفته وحده وضل يحب بلا فكر
(هذا عذري) شوفه بالله شكد قبيح
اني احبك ..والله ماعندي عذر

[ندعوك للتسجيل في المنتدى أو التعريف بنفسك لمعاينة هذه الصورة]

شكراااااااااااااااااااااااا

شكراااااااا كلام جميل