ليلى والذيب............2010

[size=9]


كان يا مكان في حديث الزمان
ليلى رجعت فديوم من المدرسه
طبت للبيت لاكتها امها:يمه ليلى ودي الحصه لبيبيتج
ليلى:ماما بس الطحين لا تره ما اكدر
امها :لا لا بليه طحين..ليش منو استلم طحين حتى ده توديه
ليلى:احسن بعد
امها:بس يمه....ديري بالج لاتفوتين بدرب الزلك تره كلله حشاشه ومسلبجيه
فوتي من طرق جلسة سمر اونس الج
ليلى:اوكي مامي
وراحت ليلى تمندل لبيت بيبيتها
وهناك ونست وراحت بدرب الزلك
طلعلها..الذيب...وجان شويه كيكي:اكوول ليلى
ليلى:ها شتريد
هاي شدتدفعين بالعربانه
الحصه
مالمن
بيبيتي
وليش منكم حصتها
مو احنا نستلملها هي ما تكدر
ياهو وكيلكم؟
نفسه خميس ابو المولده
شكم امبير ساحبين
سته
وبيبيتج
خمسه
شمعنى
ماعدها مجمده
وانتو
عدنا
ماطور تعلكون عليها
اي بس لازم انطفي المجمده
من وين ليوين يعلك
من الوحده للثنعش
وكهربائكم
زين خمسه بواحد
ابيش الامبير
بثنعش
وليلي ماخذين
لا دننام بالسطح
وكت العجاج هم بالسطح
لا نفتح مولدتنا
اكو بالحصه حليب
اي
ممكن فد جيس
لا هو جيسين لبيبي
ودهن
اي هم اكو
ممكن فد لطعه
لا ....اوي ...تره انت كلش لحوح وتتسأل هوايه
اسف اذا ازعجتج...بس هالسؤال
يالله
ممكن رقم موبايلج
لااااااااااااااااااااااااااااااا عمى شكد مكروه
وانهزم الذيب وراح لبيت البيبي
دك الباب
بيبي:مفتوح طبي ليلى
طب الذيب حط البيبي بالدولاب وكعد يكدر بهدومها الى ان لكى شي يعجبه لبسه ونام ابمكانها
جتي ليلى
دكت الباب
الذيب:طبي ليلى الباب مفتوح
ليلى كعدت على فراش البيبي يم الذيب
بيبييييييييييييي
هااااا
اشو عيونج كبار
هاي من الماسكارا اللوريال حبيبيتي
بيبي اشو اذاناتج كبار
هلكد ما البس كيلوات ذهب بيهن حبيبتي
بيبي اشو ايديناتج كبار
من غسل الهدوم والمواعين حبيبيتي
بيبي اشو حلكج كبير
هذا طبيب التجميل الاثول كبر حلكي حتى يبين خشمي صغير
بيبي اشو اسنانج كبار
حتى ااكلج بيهن
وهنا دخل الفوج الخامس والفرقه الرابعه والفيلق الثاني عشر وفجرو الذيب وطلعو البيبي وليلى سالمين
وعاشو عيشه سعيده
طبعا هاي القصه الها وطن ووطن معروف عكس القصه الحقيقيه اللي مالها وطن حقيقي

[ندعوك للتسجيل في المنتدى أو التعريف بنفسك لمعاينة هذه الصورة]ههههههههههههههههههههههههه والله حلوة عاشت ايدج الشموسة [ندعوك للتسجيل في المنتدى أو التعريف بنفسك لمعاينة هذه الصورة]

هلو توته
شكرا عالمرور
وهاي من تاليفي موووو منوقول