مشتاك الكمر يكسر سواد الليل
ويطشر نجومه وللصبح يسهر
ومشتاك العطر ينزل يبوس الكاع
ويخلي الجان يابس ينكلب أخضر
مشتاك الصبر دكة فرج عالباب
مشتاك الصبر عالصبر مايكدر
مشتاك الطفل يصحى بدفو الأحضان
مايكدر يعيش سنينه عالمندر
مشتاك القلم يغفى بحضن الخوف
ويعذبها بكلامه ويترس الدفتر
مشتاك بعنف صدكني فد مشتاك
وبوصف أشتياكي هواي أتحير
شوصفك ياملاك وأنت بيه الروح
وتخيل جسد وبلا روح يتصبر
يل كحلت عيني وصرت نور العيني
وعيني بلا نظر شتظنهه تتبصر
شاعر كتبت وما وفيت وياك
وحتى الشعر خجلان يتعذر
يانسمة محنه وعاطفه وأشواك
ماريدك عليه بيوم تتغير