الفرق بين العرس بلعراق والعرس بلندن...شوفو

زائر

طبعا تكثر الاعراس بالصيف واكيد انتم كل واحد منكم شايف عرس ورايح عرس اني بالعراق حضرت اعراس وفي بريطانيا ايضا حضرت عرس لصديق انكليزي ( بدت الهمبلة ) وهسه نشوف شنو الفرق بين عرس العراق وعرس بريطانيا

العرس بالعراق

الصبح الولد ياخذون العريس للحمام خمسه يليفون ظهره وعشره يغسلون شعره ومليون واحد يتفرجون عليه ويبقون بالحمام شهر يغسلون بيه ويرجعون الى وره لانه العريس من النوع المطكع والاملح والغامق الون ومقرمش البشره اما النسوان ياخذون العروسه الى الصالون يضربون شعرها اوتي لانه شعرها من نوع الشوكي المكفش الغير قابل للتسريح الا باستخدام اسحله دمار شامل
وبعدين يجبون العريس كما كان قبل ان يدخل الحمام يعني تعب على الفاضي يلبسوه القاط والرباط وبعد مايكمل اللبس نلقي نظره عليه ونكول والله بالجامه جان احلى واما العروسه يلبسوها الفستان الابيض والطرحه اما الطرحه من اشوفها اذكر ابو العربانه الي يبيع زلابيه ومغطيها بقماش ابيض خفيف حتى الذبان مايجي على الزلابيه اما العروسه مالتنا اصلا الذبان تكش نفسه منها ويزوع منها المهم تكعد ام العروسه وس بنتها تكلها سوالف ما اريد اكولها اخاف يجيني الباند يهلهل خخخخ

المهم يجون المعازيم وشلون معازيم كل وحده جايبه جهالها وزعاطيطها تجرهم وراها وتصيح على اطفالها ولك ابن القندره السياره مو تعبر والثانيا تصيح ولج سعديه ماشفتي الربطه مالتي مو كصايبي وظفايري طلعن شلون فشله المهم يخلون المعازيم بالكوسترات والباصات ودك وهز ركبه ولكاع خالي للكاع اما العريس والعروسه يخلوهم بسياره وحدهم والحر كاتلهم ومايعرفون شنو السالفه واحد يسال الثاني شنو اكو عرس اليوم ومن تخلص الحفله يزفوهم الى غرفتهم والناس كلهم يتمنون يدخلون وياهم ويتفرجون بس الوتي العريس يقفل الغرفه وحتى الزرف مال الباب يلزك عليه علج والفتحه الي بين الباب من الاسفل والكاعيحط وراها طابوك ويصبها صب مسلح خرسانه

العرس البريطاني

طبعا صديقي اسمه اندي والي راح يزوجها اسمها هيذر طبعا هيذر حامل من اندي بالشهر الثالث وعدهم ولد وابنيه واحد 4 سنوات والاخر 2 سنه هم من اندي وهسه راح يزوجون بحيث اني استغربت وسئلت اندي اكولك اشو انت مستعجل على الزواج غير تسال عليها تعرف منو اهلها ابوها شنو يشتغل هي من يا عشيره اشو احنا بالعراق حتى على جيرانهم نسال جان يكول اندي لا مو الزواج استقرار واريد استقر واسوي عائله جاوبته تسوي عائله ولك انت عائله من كاعك المهم وصلنا الى الكنيسه طبعا المعازيم كل ترتيبات وهدوم كلاسيكيه وقبعات مو مثل هاي سعديه الي ادور على ربطتها خايفه لا يشفون قصايبها وظفايرها من الكبر لفها وره عقد القران العروس يبوس العروسه قبله رقيقه واني صرت حريقه من كاعي وبعدين يصبون الشمبانيا وجان يقدمولي كاس شمبانيا جان اصير عصبي كتله ولك اني من عائله محترمه شنو كاس شمبانيا اني اريد البطل كله مال الشمبانيا المهم وره ماتخلص الحفله العروسه تشمر باقه ورد خلفاها اي ابنيه وراها تلزمها يعني راح تزوج بالمره القادمه يعني هاي الحاله لو بالعراق والعروسه تشمر الباقه مال الورد النسوان تصير علها مكافخ وبالقنادر والكفخات كل وحده تريد هاي الباقه حتى الحجيه ام عباس الي زوجه مات قبل يومين بحادث سياره تتعارك على الباقه مال الورد مو مستعجله على الزواج ياعيني على الوفاء خخخخخخ
تحياتي..محمد الساهر
مشرف المنتديات التحشيشية

موضوع: رد 10/07/09, 06:53 am

هههههههههههههه..الله عليك ليش كل هذا التصنيف ..بالمناسبة احنة بالعراق هم عدنة العروس تشمر الباقة بس وحدة دكللهة للخ اني لزمتهة اول..تحياتي

زائر

ههههههههههههههههههههههههههههههههه
نورتي دعاء

والله انت شي فظيع يا محمد يا سلام عليك

زائر

ادلل حبي

هههههههههه
حلوه محمد يارب عرسك هيج يكون

زائر

هاي ليش المغتربة ابيش طالبتني

امبارك عرسك حمودي امبارك عرسك

زائر

كللللللليش امبالك
هههههههههههههههههههههههه

لانه شعرها من نوع الشوكي المكفش الغير قابل للتسريح الا باستخدام اسحله دمار شامل

هههههههههههههههههه ليش حمودي 00

URL=http://www.arb-up.com/][ندعوك للتسجيل في المنتدى أو التعريف بنفسك لمعاينة هذه الصورة][/url]

زائر

ههههههههههههههههههههه
هذة حال العراققيين

زائر

شكرا على الموضوع تحياتي

زائر

تحياتي الك

زائر

شكرا ع الموضوع تحياتي

» شوفو الفرق بين ردود البنات وردود الولد
» رابع يوم العرس تقوله احب غيرك
» عروس في ليلة العرس ابكة كل الحاضرين
» ادخلي وشوف اجمل فساتين العرس
» شنو الفرق بين حب قبل وحب هسه؟؟؟