مريه ضايجه من رجلها

موضوع: مريه ضايجه من رجلها 23/07/09, 12:41 am

تذكير بمساهمة فاتح الموضوع :

اصيرن شمعة وضويلك [ندعوك للتسجيل في المنتدى أو التعريف بنفسك لمعاينة هذه الصورة]

بعد شتريد اسويلك

ابوك أبشوش* واشويلك [ندعوك للتسجيل في المنتدى أو التعريف بنفسك لمعاينة هذه الصورة]

نسيت شچنت اطبخلك وشچنت آنة احشيلك

آنة اللي چنت البخلك ومن كل الالوان اخليلك

وبالصالون اذب آلاف حتى بتسريحة حلوة اجيلك

اثاري الطبخ واللبخ ميفيد شسويلك بعد يمعود دخيلك

ابن الاوادم نسيت شچنت اسويلك[ندعوك للتسجيل في المنتدى أو التعريف بنفسك لمعاينة هذه الصورة]
من جنت تعطش وينكطع بوري الماي اگل لعيوني تبچيلك

واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك

وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك [ندعوك للتسجيل في المنتدى أو التعريف بنفسك لمعاينة هذه الصورة]

ومن اطلع اشتري خضورات تغافلني وتروح تلعب بذيلك

رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك

واليوم....اجيت إلي ندمان تطلب سماحي وتتوسل اجيلك

تقشمرني بكلمة احبچ
من حبتك حية بعد ما يعبر علي فيلك*

شحسبالك احنة بميرنا وخليل
لو انتة بمدبلج وتتفنن بتمثيلك

ما ارجع الك لو حتى تبني قصور روح بعيد انتة وكفشتك* وتواسيلك
تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك

*بشوش : ومفردها بشّة وهي البطة او الوزة [ندعوك للتسجيل في المنتدى أو التعريف بنفسك لمعاينة هذه الصورة]
*الوليلك:وهي عملية الغناء للطفل حتى ينچب وينام [ندعوك للتسجيل في المنتدى أو التعريف بنفسك لمعاينة هذه الصورة]
*اهفيلك:كلمة قديمة ولم يعد لها استعمال بسبب توفر الكهرباء [ندعوك للتسجيل في المنتدى أو التعريف بنفسك لمعاينة هذه الصورة]
*مساقيلك: ومفردها مسقولة وهو ماكنتوش عراقي[ندعوك للتسجيل في المنتدى أو التعريف بنفسك لمعاينة هذه الصورة]
*فيلك : وهو الفيل , كائن يطير عندما يبدأ الانسان بالكذب [ندعوك للتسجيل في المنتدى أو التعريف بنفسك لمعاينة هذه الصورة]
*كفشتك : وهي تسريحة غير قانونية يعني فاول [ندعوك للتسجيل في المنتدى أو التعريف بنفسك لمعاينة هذه الصورة]
تـحـــــيـاتي [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: مريه ضايجه من رجلها 01/10/09, 02:10 pm

نورتي حبيبه كلبي

زائر

شكرا ع الموضوع تحياتي