دارميات منوعة روعـــه

زائر

تذكير بمساهمة فاتح الموضوع :

لسلام عليكم

شونكم شباب وبنات

ان شاء الله بخير

اليو حبيت اهديكم هاي الدارميات وان شاء الله تعجبكم

[ندعوك للتسجيل في المنتدى أو التعريف بنفسك لمعاينة هذه الصورة]كون المدير يكول درسهم انته ... اشرح خمس ساعات بس عن كذلته

عينك سواد الليل والقمر خدك ... وشتسوة يالمحبوب هالدنيا بعدك

اخباري ضيم واااه يوم الاعوفك ... والفرح طعمة سموم من ماأشوفك

وينك يملك الموت تاخذلي روحي ... لان عاشرت بذات وزادن جروحي

لو تدري شنهو ألصار بيّة و جرالي ... من فرگتك إبليس يبچي اعلة حالي

عطّاب أشم بالبيت گمت آنه أدوّر ... ثاري أبدليلي النار بركان يفوّر

هاك الدرع والسيف ومسلّم انه ... كلبي وطبك وياك صارت خيانه

خـاف اللـه يالمريت ما كـلـمـتـنـي ... لـيـتك حجيت وياي لو شـتـمـتـنـي

نور ونظر للعين ولقلبي دقات ... لو بيدي اودي الروح ماودي كلمات

چم سهم بالدلال يصعب عدد هن ... وجروحي دوم تزيد ياهو اليشدهن

دامي القلب يا ناس واجروحي تلهب ... جي لنه ذاك اليوم محبوبي جذب

ضلي بغرورج دوم يل ما وفيتي وياي ... لو حلوة شسوين تشبهين مرة بباي

عوف الزعل هل يوم وعوف الطلايب ... وخل نكعد اني وياك مثل الحبايب
صح اليغيب هواي يتسمه مفقود... بس انته من تغيب بنص قلبي موجود

جرح وحزن وهموم والفرقة ماتنراد ... كل هذا واني بعيد من حضنك يا بغداد

كون انقلب جكليت وبحلقك العب ... واكتب على الشفتين هذا احلى ملعب

صح شيبت يا ناس بس روحي خضره ... كل ذنب ماسويت عاشكلي سمره

قبلك تره الاهات لفراشك اتروح ... الشاعر من ينام يتوسد اجروح

بعيوني دمعة ضيم لمن اهلهة ... تنخسف حتى الكاع من كد ثقلهة

الماسنجر اتعناك وافتح ايميلك ... جم وحده بالايميل صارت خليلك

الماسنجر تعنيت ماسوه جاره ... ينطيني بس اكنور مامش عباره

صرت الخليل وياك صرت انا خلك ... وتحطلي سم بالزاد هم ما املك

راح احتمل فراقكـ بس عندي شرطين ... لو روحي تمشي وياك لو تاخذ العين

كل عقلك اني انساك وأعشقلي ثاني ... انت القلب و الروح يعني انت اني

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] تــحيــاتــي

موضوع: رد: دارميات منوعة روعـــه 06/03/10, 04:40 pm

عاشت ايدك حسن

زائر

شكرا الكم منورين

موضوع: رد: دارميات منوعة روعـــه 07/03/10, 09:12 pm

شكرا حسن

زائر

منور حبي

موضوع: رد: دارميات منوعة روعـــه 08/03/10, 03:50 pm

رووووووعه ياحسن الدارميات كروعتك... ننتظر دايمآ منك هادا الأبداع

[ندعوك للتسجيل في المنتدى أو التعريف بنفسك لمعاينة هذه الصورة]

زائر

يسلمو امارة يا راقية
تحياتي الج يا وردة