ابو ذيات حلو

زائر

تذكير بمساهمة فاتح الموضوع :

غيرجـ ما حله بعيني ولا طاب
ولا دونجـ دخل كلبي ولا طاب
يجرحي وياجـ لا هود ولا طاب
دم ينزف ولا تدرين بيه

*******
محبتكـ تجري وي روحي ويه دماي
وعليكـ انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه

*******
عليجـ الروحـ راحت من يردها
و وكيحه همومي صارت من يردها
خطيه الروحـ ملت من يردها
لان بس الصبر يبسل عليه

*******

الا تظلم دليلي اياكـ وياكـ
انه طفيتكـ وجف الغير وياكـ
صدكـ من علي تهد وياكـ
اهد وافزع وطكـ بثنين اديه

شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه

عسا بعدكـ كصير العمر لا طال
يمن وجهكـ بعد عالعين لا طال
ردي حظي ولشخصكـ ابد لا طال
لون محظوظ كلكـ بين اديه

**************
صحبتكـ ليشـ كصرت ما طلتها
وانه الدنيا علمودكـ ما طلتها
جنتلكـ فرصه سهله ما طلتها
خسرتني بسبب بطرانكـ عليه

**************
امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه

***************
صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه

***********
على ربعي فلا كضيت حايه
عدل ما دورت فد يوم حايه
لجن وسفه بعضهم صار حيه
ناعم ملمسه وبيه الاذيه

*******
يامن فاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الجان اليه

زائر

منور يا وردة

موضوع: رد: ابو ذيات حلو 09/03/10, 12:15 am

يسلموووو ايدك ابوذيات جميله جدا
تحياتي لك حسوني

زائر

شكرا يا وردة منورة

موضوع: رد: ابو ذيات حلو 25/03/10, 10:21 pm

أبوذيات حلوة .

تحياتي أشرف علي ملك الرياضة .

» ابو ذيات
» ابو ذيات
» ابو ذيات
» ابو ذيات جديدة
» ابو ذيات جميلة جدا