ساره

جنه نرسم شوقنا فوق السوالف ..وجنه نتوادع لمن تبجي الجفوف
وجنة من نظراتنا تسكت الوادم ..ولو حجينه اثنينة ينام اليشوف
وجنة راضين بوضعنا وحالنا ..رغم كلش قاسية ويانه الظروف
وجان مو يوم اللي ما نتلاكه بيه..ومن اشوفك نحمد الله اثنينه
شصار هسة شغيرك بيه السبب ..لو دخل واحد غريب ابينه
ماتدري بيه انه فصلت العمر كله اعله كدك ..وانه عفت الدنيا كلها وماردتها وردت ودك
وانه حت قلبي من انام يغافل عيوني ويجيك ينام عندك
ياثمر شتلة صباي.. وياثمر بالدنيا كلها بلون خدك
شافتك روحي امس بالطيف اجيت ..ومني خافت ليك اجت لاذت بسدك
يا تعب للغير اذتني السوالف ..وصرت احسك جن جرح بيه ترف ..محتار وي روحي وحرت جم دوب اشدك ..
انه خلصت الحجي وواضح كلامي ..روح والله يسامحك ..ما اريد ..ما محتاج ردك