((علة الحيهم))
علة الحيهم نشامة الوطن ربانة
اذا واحدنة ضيم ايصيب جيرانة
اذا ماصدگتني صيح حيهم شوف
تلكة العال بـيك بساط جوانه
بعد هدة عراقي.. المن يطگ بركان
ماي الاطلســـــــي مايطفي نيرانة
جذب موشيعي هذا الرضة السني ايشيل
وجذب موسني ذاك الطرد جيرانة
السني الحط ظهر سموه جسر عثمان
وبنص دجلة وگفت دنگ عثمانة
ربينة ابيت واحد حظن واحد چان
لسة البيت واگف بامل ذكرانة
اول ماتطب للبيت ماكو ابواب
من سعف العراق البيت بيبانة
بنينة ابطيب اساسة وحاوطيناه شوگ
ذني اثار ادينة ابوجه حيطانة
كتبنة اهنا عمر وهنا علي وعباس
طب ال كربله والنجف تقرانة
اكلنة بزاد واحد من فرد ماعون
ماتاكل وحيد الوطن وصانة
گدما لمة حلوة من ايصير الزاد
هور وجبل يگعد ياكل ويانة
چن بيت ابوذية چان ذاك البيت
وبگاع العراق الوكت خطانة
اذا تفرز شطرعن شطر معنة ايروح
من نلتم فقط يكتمل معنانة
ممكن نختلف بس اختلاف اخوان
مانعرف اتبات گلوب زعلانة
لذلك حتة مانتفارگ اثبتهة
جماعية لگوهة گبور موتانة
الف بئسا لمن حاول يشب النار
او لوّن غايتة بالوان دخانة
ولف بئسا لمن حط بالشوارع موت
عله ظهرالجنايز جثث خلانة
طبوبينة رادو اعداء انصير
حتة البيت ذاك اتطيح عمدانة
وحگ نسر العراق العله البيريات
وبهيبة وگفتة ابوجه عدوانة
وحگ طبگة اجناحة الرجفت صوبين
بي يدرون اذا تنفتح جنحانة
علمنة الوطن غاية حياة الموت
وبجذع النخل بالحرب شدانة
وقسم وياه قسمنة من ايمسة الضيم
نمتد حدر جدمة ارواح يلكانة
رسالة sms
26/07/09, 02:27 am
