75 ابوذيه /// احدث الابوذيات لعيونكم

احبك واحب عينــــــــــــــك ورمشاك
واظل طول العمـر امشي وره مشاك
اذا تكطع علي مرســـــالك ورمشاك
اموت وما يظل كل نفس بيه

لغيرك مارجـــــــــــف كلبي ولا دك
وثكيل وياك ميــــــــــــزاني ولا دك
جهازك لا علي رمـــــــــش ولا دك
قساوة البيك لو نقصان بيه

يريـــــــــــــح الهاب لحبابي وديني
ورفع وجعي للخالــــــــــق وديني
الاهي ابجاه كــــل صومي وديني
احبابي اتشيل عنهم كل اذيه

دوم انشــــــــــد عليك الراح والرد
الوفه منك نبع والطيــــــــــب ورد
ردت منك جــــــــواب الهاي والرد
اعز الناس ما يسأل عليه

تشوف اهمومي بعيونـــك وترها
وتغيب وتكطــــــع بروحي وترها
يرهيك الوكت يسمـــــــــر وترها
وتصير انت ابو راهي عليه

غياب اجفاك لرمــــوشي لجنها
عميت اوروح ماعــــــادت لجنها
وكك علي او دمــــــــعي اجنها
ارخصت يوم شح وصلك عليه

اودك من جنت يشكر مـــن الليل
بجمالك ما اظن يوصف مـن الليل
وحكك مانمت ساعة مـــن الليل
لاجلك ونغرض حبك عليه

سعيت ابغوجي يحبابي وراكم
بعدتو او بعد ما وجـــــد بعدكم
دهري اهمــوم حملني وراكم
اناحط بالحمل غصبن عليه

جمالك زاد عن يوســف وقبله
وحبك صار لي منبــــــر وقبله
امر اعلى الصخر يافلان وقبله
لان قلبك صخر ما حن عليه

ابات الليل بالحســــــــرات منطر
تظـــل عيني على البيبان منطر
شفت خدها عبالي الفجر منطر
قمت صليت من غصبن عليه

يهل الناديت بسمي هواي عيده
ويه هل ماخـــذ دليل وياك عيده
الكلب مو يسعــــد رمضان عيده
اني عندي العيد من نكعد سويه

الكلب لا مظهـــــر ولا مال غربه
ولو عمري بحماده انشتل غربه
ما احمل بكاع اجانـــــــب غربه
احن واشتاك لهلي بكل مسيه

انه اشا صحت بالصيـــــف شارب
وانه من الومان سمـــوم شارب
شفت فلوس اجت طولت شارب
فلوسك وانته فدوة تروح اليه

شلون شاة ويه الذيــــــب يربه
وصديجك لو تـــــــوده دوم يربه
اليتيم العد شريجـه شلون يربه
تسطرة ولا تكول عليه خطيه

بهيمه يا ظعن شوكي و ناخوك
ونادوك اعلى كل محنه وناخوك
عضيدك انه بالشـــــده وناخوك
واصير احزام ظهرك عالدنيه

حبيبي ارفع رصيدك من هوانا
ربح والله بحياته مــــــن هوانا
شنفترق منهو انت ومنــــو انا
مثل روحين ونجمعن سويه

الغدر انه يحلوه مــــــــــو طبعي
وجمالج بالكون والله مـو طبيعي
من شفافج الحلوه موطه بيعي
عشر اكواب حاجز بس اليه

اني كاتب القصـــه وانا راوي
سالني منين كتلــه انا راوي
عذاب وضيم اشوفه و راوي
لان نذل بدكاته عليه

وحك عيونك ورسمـــك وداعك
وحك جلماتك الحلــــوه وداعك
يصاحب فرهد ابروحي وداعك
نتلف ثلثين والباقي باذيه

سماح اطلب انا المنكم وهدنه
كمش بيد التعورنــــــه وهدنه
جبل راكع خجـل جيتك وهدنه
اصير اتراب ونته اسحك عليه

تغيب الروح بغيابــــــك وردها
كتاب جفاك من عندك وردها
روحي بفركتك يذبـــل وردها
شمس انت وتنور درب ليه

سجل كلبي دفاتــــر ما جلته
لون جلاد يجلــــــــد ما جلدته
عمر وسنين مبعد جليه جلته
او يرد اردود كلبي اشكد خطيه

زماني والدهــــــــــــر وياي عنفص
ركبت زمال نـــــــص الدرب عنفص
حبيبي الجنت اوده هم يوم عنفص
زكطني وشمت العدوان بيه

انام وشوك مــــحبوبي يعاني
افز مرعوب واتخيــــــل يعاني
هلي الدمع مرخوصــه يعاني
على اللي بالوصل شحوا عليه

اساس بعشــرتي وياك صبيت
جنني الهوى وبالشوك صبيت
اذا انت عليـــــه دموع صبيت
عميت عيوني من فركاك اليه

صفيت اكتب ودهري علي يملي
ومن كثر النوايــــــــب ناخ يملي
نخيت اللي قصـــد للماي يملي
والصار بكربته هل صار بيه

يغالي شجابك لشــوفي وعناك
معقوله الهوه هــــــــزك وعناك
تره الناس التحجي عني وعناك
تغار تريد ما نكعد سويه

العنب مــن كال عالي ما طليته
والزمن ما خفت منــه ما طليته
وجهي نفسـه وجهي ما طليته
ولبست الجينكو لليمر بيه

دموعي شما بجيت عليج يصفن
بهواج العلي مـــــن ونيت يصفن
تكول الناس هذا شبيــــه يصفن
واذا يصعد حرك هدم العليه

أأمم بيها و الجامــــــــــــــع ورايه
وصفيت امشي وره الجاموا ورايه
نويت اهجم شلــت سيفي ورايه
رماني بسهم عينه وطاح بيه

منو مثلي لجلـــــــــــــــك وداره
وعاش بعيد عن اهلــــــــه وداره
اريد اعرف منو لعب بعقلك وداره
حبيبي شما يصير انت اليه

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفـذ صبراي
حبيبي يصعب فرلقك عليه

مشينه بليله الظلمـــه وسرنا
جنود من العدو اكتلنه واسرنا
اسرار الناس تكتمــــه وسرنا
تفضحه وتنشر على البريه

ايام الحلوه راحــــــــــن منسى عدها
وينهاله لامه مـــــــــــــــــــن سعدها
حبيبتي جنت اروحلها منانسى عندها
الروح والقلب اخذن سويه

يدنيا انتي ابعدابي ليــــــش تسعين
ابعزم الله اشما عندج ضيج تسعين
اخوتي ابيوم ضرفي حلـــو تسعين
بعد ما ادري الوقت ما منهم بجيه

ابعز نومي اجي طيفـك و عاني
انا وشكثر اتحملت منك و عاني
اجيتـك اومعتني ابدارك و عاني
ولا مره اجيت انته عليه

تبنا من العشــــق واردود عدنه
وحسبنا اسنين مـره وتاه عدنه
اهوايه بالسلــــف حلوات عدنه
لون روحك صدق خضره وطريه

وسفه الدهر شتتكـــم وطركم
حسافه ماكضه منهم و طركم
بذجركم هذا انه اهـذي وكركم
يعيد الله شتتكم جمع ليه

انا لبميزان الهـــوى عاني كفاني
اوحي لا تحسب العاشق كفاني
انا تبت قلت الـــــــذي بيا كفاني
انا اشجاني او عاودة سودة عليه

لويت الدهر مافـــــــد يوم حنيت
وديا من دمـــــــوع العين حنيت
ييمه اوداعتج هاليــــــوم حنيت
اوشلت نار الدمع بجفوف اديه

صب دمعي على الوجنات يا هل
او ماتدرون بيا اشــــــصار يا هل
صرت عصفور جني بيـــد يا هل
اهو يلعب وانا اشلون بيه

حبيبي ديارنا لو جيتــــــوا مرها
او نفسك عالوفا والطيــب مرها
انا عشرتك ضقت حلوتها ومرها
بويا طلع مرها امر امن المنيه

اصد وازعل وادير العيـن طبعان
لجن لجمات الك بالقلب طبعان
حلو بكلشي لكــن بيك طبعان
تشك وتغار بيها عليه

انا دلولي بيا البيـــــــــن يسعى
ثقل همي وللي صــــدر يسعى
اليغص بالزاد اهو للماي يسعى
وانا بالماي اغص اشلون بيه

زماني جرد اسيوفـــــــه و سنه
عليه او حرمـــــــت عيني وسنه
وحق اللي فرض خمسه وسنه
بعد هيهات عيش ايصير اليه

ابـــــــــد ما زلزلك حالي وهدك
عفاه اشيحمل الكلفـــه وهدك
قصدي بــــــس اصيدك وهدك
واريد اتصير حر وترد اليه

مره اصفن عليكم مـرة سايل
مرة الدمع ناشف مـرة سايل
مرة احتار شكتب من رسايل
مرة انتظر ساعات المنيه

اتلعثم من اشوفـــــن وسطك انا
اومنو الوشوش بذانك واسطك انا
تكلي وينك انتـــــــــه وسطك انا
تدور بالنبض تعثر عليه

اشنون الروح اكضها مـن تهم بيك
او مثل تهمه حبيبي من تهم بيك
الضيم اليمر بيا منتـــــه تهم بيك
ولا جنك وانا مبين عليه

اجزعت من صبر روحي ملت
اهموم احصدت بالدنيا وملت
بنيران الفضا اتجـــوت وملت
الجزع صاحت من الهم والاذيه

قسيت وياك يسمـــــر عمي انا
وعين الي الماتشوفك عمي انا
اذا خالك فـــــــــزعلك عمي انا
تبره وضحك والوادم عليه

شلون شاة ويـــــه الذيب يربه
وصديجك لــــــو توده دوم يربه
اليتيم العد شريجه شلون يربه
تسطره ولا تكول عليه خطيه

انه اتعلمت عالخــــــدر روحي
وروحي ويــن ماتريدين روحي
اذا طاب الج هذا جسد روحي
وبعد ما تلكين شي يرهم عليه

كل مغرم برت علتــــــــــه وناله
سعيد اللي حضه بشخصك ناله
الطارش من سمع نوحي و ناله
ترك شغله وبجه رحمه عليه

روحي والهـــــــوى ودنياي وعداي
علي واشلون اشيل الجدم وعداي
صابر وانتظر واشـــــــــوف وعداي
ايفرح لو دوم وكتي محيط بيه

نديم الروح يامــــــــــدلل صبلها
حنينه وشافـــــت بعينك صبلها
مقامات العشك حبـــــك صبلها
بقيثارة عواطف سومريه

بكاس العمر ما ظلــــــت وشل بيك
وبجروحي لشوكت تنزف وشل بيك
تكلي ليش متمرمـــــــر وشل بيك
تهت منهو اليدليني عليه

الصديق اللي اتشوفه نقي ونظيف
تود كل يوم نبدي اعليـــــه ونضيف
على طيبه نجمل طيــــب و نضيف
بكثر معنى الحروف الابجديه

وانكطع حتى النفس والنفس ظل مكطوع
وتاليتي مثل الغصن مـــن الشجر مكطوع
خلفه هوه صار الزمن وانطوى اله مكطوع
لاصيه خله السكف لا هوه خله يسر

بيك الطيــــــب والزينات وفرات
يمن مايك عـذب يالزمن وفرات
دجلتك وانته خويه صرت فرات
وبكرمة علي نصبح سويه

ولك كلي تلين اشوكـت و تحن
وانا الوصلك ادور الفرص واتحن
ولك انت تخصب جفـوف وتحن
وانا بدمعي احني جفوف اديه

روى الزيتون من دمعي ولا راك
وغيرك مانحـل جسمي ولا راك
اخاف اطــــــول غيبتكم ولا راك
وعند وصلك تدانيني المنيه

تعب كركي براس جبال ملوه
وكلبي بجومه الحـــداد ملوه
وصديج الكثــــر الجيات ملوه
الاحسن كل عشر تيام جيه

حبك من شفاف قلــــب عتباي
ولا نوبه اذكرتناو اوصلت عتباي
اعتب ما نفــــــــع وياك عتباي
على ياهي ازعلت واقطعت بيه

يمن هجرك بلب احشاي وسم
يخايب ليش بيـــــه تبيع وتسم
اخير الروح بين الخنـــك والسم
السم والخنك راتهن سويه

احبك ما احب عل الارض سواك
سبحان الذي مــن طين سواك
بشر لاكنه وي الكمـــــر سواك
واحد فوك واحد بين اديه

الندم ما ينفع بوشـرك ولا ساف
ولساني ما غلط مثلك ولا ساف
تظن عالي واشوفنك ولا ساف
اقل من اثر شافت اعله الوطيه

فاتحتمن بعسر غير المصايب فتحتمن
وسهم غـــــــدرك ابكلبي فات حتمن
اكتلتني وجاي تســــــــــأل فاتحتمن
ولا جنك رحت جناز بيه

العنب مـن كال عالي ما طليته
والزمن ما خفت منـه ما طليته
وجهي نفسه وجهي ما طليته
ولبست الجينكو لليمر بيه

يصاحب هالوكت النـه ولادار
ولا كاع البعد تجمعنـه ولادار
لا وكت الذهب مرنه ولا الدار
كضينه ايامنه ابهم واذيه

تكلي بعد ما اريدك ولا ابيك
هاي اطباع مو منك ولا بيك
ابد ما الـــوم والتك ولا ابيك
الوم الوكت الرهاك عليه

منو مثلي عليـــــه دارو خوانه
والدنيا اطلعت بس ويااه خوانه
اخذ خاوه الزمن منــــه خوانه
وخله الاخ ولا يعرف اخيه

يدنيه شبيج حصـــره دوم نفسي
وعلى الطيبين دوم اتلوب نفسي
اجر حسره ونزل ما صعـد نفسي
واذا يصعد حرك هدم عليه

الــــه اسنين الفرح وياي مايه
ومو واحد جروح القلــــب مايه
اليغص ابلقمه اذا ينطوه مايه
انه بلماي اغص وشلون بيه

زائر

شكرا احمد تحياتي الك ياوردة تقبل مروري

مشكور حبي احمد تحياتي الذوق الحلو

زائر

كلامممممممممممم رووووووووووووووووعة
يسلمو وعشت الايادي

شكلرا على المجهود وتحياتي

جميييييييييل

زائر

شكرن ع الابوذيات رائعة شكرا2

حلو منك الابوذيات الحلوة والخلك والمجهود الروعة الخرافي وتحياتي ألك يا روعة .

تحياتي أشرف علي ملك الرياضة ...

زائر

شكرا جزيلا
على الموضوع
الراقي تحااتي

رررررررررررروعة
تسلام وعاشت اليادي يا راقي

رررررررررررروعة
تسلام وعاشت اليادي يا راقي

زائر

[ندعوك للتسجيل في المنتدى أو التعريف بنفسك لمعاينة هذه الصورة]