قصة السنفور العراقي

راح احجيلكم قصة حياة السنفور العراقي واريد رايكم بيها
تستيقظ كل صباح بعد اخذ حماما شمسيا في البحر الميت لتجد نفسك مليئ بانواع من الاملاح المعدنيه يقدر وزنها 2 كيلو وكل هذا بسبب استمرار التيار الكهربائي 25 ساعه ليلا
وتستمع عند النهوض من الفراش الى زقزقة العصافير (اصوات الاشتباكات والكلاشنكوف ...طاخ طيخ طاخ). واصوات البلابل (وهي تقسيمه رائعه من ابو السيطرة لبراس الشارع باجمل الادوات البي كي سي)
لتغتسل وتجلي وجهك وتجلس لتتناول الفطور على اجمل انغام تعزفها ارتال الهمرات المارة
وبعده تحاول التفكير بالخروج (على باب الله) وتقوم باجراء الاتصالات لمعرفه اخر اخبار النشره المروريه لتواجد السيطرات الوهميه واماكن تواجدها.......(راح تبطل وتكعد)
وبعد قليل تحاول الخروج الى حديقتك المنزليه لتتأمل الطبيعه وتجرب ماتعلمته من سنيين الدراسه الطويله وبعد ساعه تستمع لاصوات مألوفه (سقوط بعض من قذائف الهاون قرب المنزل بشكل اختياري ) ويخرج الجميع مهنين بعضهم (سلاماااااات الحمد لله بهاي ولا بغيرها) اصبح الهاون متعارف عليه (ويكلك هاون ولا كاتيوشا....اويلي من اسمه يخوف)
وتدخل الى المنزل خائفا من المزيد ليقتلك الحر والعطش لتفكر بالخروج لشراء بعض الاشياء البارده (من ابو المحل لبراس الشارع..ابو غيث) ويالها من مجازفه فقد تعترضك بعض الاشياء.... اوبل بيضاء اللون (العلاسه) او بطه زيتونيه (الصكاكه) فتترك الفكرة
وتاتي الظهيره لتتناول الغداء وتأخذ قيلوله على نسمات البنكه بعد ان سحبت حبل المولد مليار مرة
تستيقض عصرا وتاخذ قليلا من الشاي مع سماع احلى الاخبار (انعلسوا بيت فلان. طبوا . شالوا.تهجروا وكلها حدثت وانت نائم)
وياتي الليل ليسود الضلام والهدوء وتجلس على حاسبتك على كهرباء ابو المولد النابضه (125.5فولت) لتتصفح مواقعك وتزيد مشاركاتك وتقراء الاوف لاينات المرسله اليك (وكلها اقرأها وارسلها لعشرة وراح تشوف خبر سعيد لو واحد حلم ومااعرف اشاف ومن هاي الملاعيب )
وتنام ليلا بعد يوم طويل وشاق قضيته في المنزل لتستيقظ على اصوات (الدفرات والصراخ) وكانك في حلم لتتبين انها مداهمات واصبحت من الاشخاص المطلوبين ويوضع على رأسك كيس اسود وتقيد لتصبح بعد يوميين جثث مجهولة الهويه (الله ليكولها )

وهيه هاي حياتك السعيده __________________
_________________

زينة
عاشت ايدج على ما نقلتي وقصة هي فعلا من الواقع العراقي
لكن ميصر احنا نستسلم يمكن حالنا احسن من بقية الدول
مثل فلسطين باكستان وصومال وغيرها
وحنة هسة حلنا احسن من قبل سنة الحمد لله الناس بدت تطلع وطب وكناس يبقون ورة 12 بالليل برة

والحمد لله على كلشي يمكن هيج صار بينة صالح لنا بالمستقبل

اهمشي واحد يتفائل بالخير بالحياة السعيدة

وتحياتي الج خيتو على هذه القصة

تحياتي المايسترو

تحياتي الك يامايستروووو
وشكرا على كلام الحلو اكيد طبعا كل حجيك صح بس هي للمزح حبيت اذكرهة
شكرا لمرورك الحلو ياوردة
تحياتي الك

للمزح حبيت اذكرهة

للمزح اشتمزحين البيت ههههه

يسلموو علىردج وطبعا اني امزح بس طبعا مو البيت

تحياتي


المايسترو

ههههههههههههههههههههه
يسلمو مايسترو

هههه يسلموو وتين وانا مع المايسترو في تعليقة

ههههههه قصة حلوة زينة عاشت ايدج
تحياتي

يدللو

شكرا على المزاح اللطيف يا زو زو وتسلمين

هههههههههههههههههه شكرا على الموضوع زينه
تحياتي الج يا وردة

هههههههههههههههههه
يدللو الغالين

مشكورين تحياتي