م ـــg بـــيــدي ع ـــــشٌـــكََََََََـ

السلام عليكم
ــــــــــــــ


مو بيدي .. العشگ يسري بحنايا الروح
و من شفتك حبيب الروح سميتك
حسيتك قريب و اغلى كل الناس
و لا چنك غريب و هسه لاگيتك
و مو سكته و دفن حبيتك و خجلان
كل الناس تدري بيوم حبيتك
بس تبقى لغز ما تنكشف للغير
يروحي بروح روح الروح ضميتك
ضميتك و اغار من الهوا يحاچيك
و من گد ما غرت ما يوم حاچيتك
يا نسمة هوا شمدريني راح اهواك
گلت مثل مثل الهوا و ما ادرري .. شميتك
من ذاك الوكت ما غبت عن البال
الگلب بسمك تسجل و انحسب بيتك
يا نبعة ورد ما بيك نتفة شوك
ناعم يزهي لونك و العطر صيتك
فصلت البشر سويتهم تمثال
و انت الروح بالتمثال خليتك
حجر كل البشر بس گامو يحنون
قطرة نطيتهم من بحر حنيتك
يا نهر العشگ يا سلم الافراح
عطشان و حزين و واگع و جيتك

تحياتي
المايسترو

تسلم الايادي مايسترو ذوق في الاختيار
شكرا للجهود الرائعة والجميلة


[ندعوك للتسجيل في المنتدى أو التعريف بنفسك لمعاينة هذه الصورة]

يسلم مرورك هديل نورتي
الله يعطيك العاعفية
الله لا يحرمنا من طلتك