ليش تكسر خاطري

موضوع: ليش تكسر خاطري 31/05/09, 04:38 am

ليش تكسر خاطري ورايد اتروح
----------------------------------
ليش تكسر خاطري ورايد اتروح
هيج وبسرعة تكول انساني
رايح الله وياك بس دورني بيك
وعود دليني اذا تلكاني
ليش هسه انه صرت يمك غريب
تايه انه وضيعت عنواني
انت من دكيت بابي بلايه خوف
بيك امنت فتحت بيباني
وانت من طبيت كلبي بكل امان
وما رضيت ايفوت غيرك ثاني
هسه فجاء اتريد تطلع مني ليش
بيك انت السبب لو بيه اني
انه كل ذنبي احبك بس اريد
اصير فرحة مو تزيد احزاني
حزن جبت انه العمر بس ما بجيت
وانت بس حبك صدك بجاني
انه لجلك عفت كلشي بهالوجود
عفت كل اهلي وعفت خلاني
انه حتى احلامي صارت كلها بيك
وانه باسمك سجلت وجداني
وهسه جاي تريد تاخذ كلشي ليش
اسنين انه انطيك وبلايه ثمن
انطيت عمري وجان بي كومه امنيات
جاي هسه تكلي كلهن خلصن
شلون وانه دموعي خلصن بس عليك
عيوني تبجي عيون لو هسه بجن
شلون كلي انطاك كلب من حجيت
وابد ما رجفن عيونك باوعن
مني رايد هسه ارجعلك جواب
راح اخلي جروحي هنه يجاوبن
احنه ما نطلب بعد منك تعود
وابد ما نطلب بعد منك تحن
رايدين اترد كلبنا المات بيك
حتى يمنه احنه بكرامه يندفن

زائر

ما شاءلله
عمار حلو تكتب شعر أتمنى المزيد ..لا تبخل علينا بمشاركاتك
بس عجبااااااه شبيك بالجلسة
شو ما عندك غير
( ترابي ...من شغلكم )

موضوع: رد: ليش تكسر خاطري 05/06/09, 04:11 am

استاذ راح انتج اللبوم الشعر العراقي الجميل وسوف يكون الشعر

(
( من شغلكم ومن ترابي )

تحياتي عمار المهندس

زين هو مهند منطيني مجال هو واحمد علي

زائر

حلو عمار كتاباتك حلوة نتمنة المزيد

موضوع: رد: ليش تكسر خاطري 26/06/09, 03:05 am

روعة يا عمااااااااار كلام جميل والله

موضوع: رد: ليش تكسر خاطري 26/06/09, 03:11 am

شكرا عموري

موضوع: رد: ليش تكسر خاطري 27/06/09, 11:56 am

كلام في غاية البداعة تحياتي

موضوع: رد: ليش تكسر خاطري 05/07/09, 12:59 am

عاشت ايدك عمار ومعاش الي يكسر خاطرك تقبل مروري

موضوع: رد: ليش تكسر خاطري 05/07/09, 01:11 am

عمار لو كانت هذه كتاباتك

اقدر اقول انت شاعررررر

معقوله تنسى الراح

معقوله تنسى الشوك ياروحي شبساع

وانت اليوم مستعجل اللحظات الوداع

زائر

شكرا و عاشت الايادي تحياتي

» أشياء تكسر الظهر
» خاطري المكسور
» خاطري المكسور
» يا "فلان" , في خاطري لك "كلمة"