أبوذيات الشهيد رحيم المالكي ( الجزء الثاني )

انا الواضح والمبين ولا خاف
وانا لما رجفت جدامي ولاخاف
وانا الما نكص وزني ولا خاف
اختفيت وخفت خف وزن العليه




عليك اليل كله اني و انه
ومعاك العتب هسه انا اوانه
اتهدد بالنفاهه اني وانه
وينك مو طبك دهري عليه




انعي عليك صدك منعه منك
ومنعت الكلب يرفض منعه منك
طامع بيه ثاري منعمنك
شور الكلب بيدك مو بديه




صافي وخلل ما بيه ولا عيب
ولااعرف الحجي الملوي ولاعيب
وعذولي لاخجل يعرف ولاعيب
فرق والبينه بعد الثريه




حبيبي جروح الك بالروح حالا
وامس جنت احسن من اليوم حالا
اريدك تنتخيلي وتمر حالا
باجر وين ما تلحك عليه




اتنخى اتريد اجيك اليوم بالحال
وانت اعرف حبيب الروح بالحال
شمحلها وياك ما تقتنع بالحال
ادليك الدرب وترد عليه




وحك السبعه والسبعه ولانام
عليك الجفن لا غمض ولا نام
ولساني ماحجه بظهرك ولانم
عفيف وانت ادرى الناس بيه




يا مستوي المنكم شفت ياني
جفيتو وكل عذاب الدهر ياني
شمالك يا ابي النفس يا ني
ارخصت من تالي وادري الصوج بيه




يجن كوه طلايبكم وناحي
ويجن اليل ويعدي واناحي
يجن كلمن نضر دمعي ونوحي
انا مسودن واجتني المالجيه




دارك بالكلب صدك بعدها
ودارك عشرتي وتعرف بعدها
دارك شامت وروحك بعدها
شمر جدمك ولامتر بالثنيه




هلك كلبي شكثر ينشد وراهم
هلك متعود عليهم وراهم
هلك تنقذني من شوكك وراهم
عزيز انت اشعجب اشمتت بيه




انا الما اكرر ابحجيي ولا عيد
ولا احسب ابزلاتك ولا عيد
شمالك ما تمر بيه ولا عيد
الخلل مدري بجنابك مدري بيه




وحق من كون الاكوان وابسط
انا اسهل من نسيم الريح وابسط
جنت املك مخده صوف وبساط
الجوني فرهدو ذني منديه




كمت ما ارفس ابرجلي ولا دج
ولا اطعن اليطعني ولادج
ديره وما شفت بيهه ولاديج
اليعوعي الصبح ويصحي البريه




ابد ما يرحم الطايح وكتنه
جمعنه ورجع طشرنه وكتنه
اصيح عله الفرح اوكف وكتنه
تركني وما سمعني ورد عليه




زبد يا ملمس الوجنه من الحر
اخاف اتموع من تمشي من الحر
ابنادم صورك ربك من الحور
وانا الدافع ثمن هاي الاذيه




الحديث ابشاهده كالو وربطه
مو كلمن لبس بدله وربطه
حجو ما ضام زلاته وربطه
يسولف طن ولا تصفه وكيه




روحي المجد ولعليه وكرها
الروس الخانعه اكطعهه وكرها
اموت من البخل واهله واكرهه
وجريمه اشعر بخيل ايسوس بيه




انا الدوه العلاتك وانا الداي
وجريمه انته اصبحت خصمي ونداي
المثلك حصو ما نكط ونداي
الحصو بنص المحيط ويشح ميه




ابابك روحي وكفت ما تسلها
جميع افراح دهرك ما تسلها
شمتاني اسيوفك ما تسلها
اذا للضيج مر الضيج بيه




شهم وبكل مناطر لك منطار
وابد متهاب درب الخطر من طار
ولا تشبه جبن زرزور من طار
شمو الباز حدك للمنيه




عنادك ما يفيدك بعد و عياك
كلام الحق يلجمك حجر و عياك
لانك جاهل ومحدود و عياك
نزعت صويحبك جن جلد حيه




تكور ضيم كلبي من حوالي
ومستغرب عجيبه من حوالي
انا امفارك حبيبي من حوالي
دقيقه بس سنه صارت عليه




يكلبي ما نفع تعبك ولا رباك
وحصتك صارت الدوخه ولارباك
بطريقك بعد ما امشي ولا ارباك
من اطيعك هم تردني لحفر حيه




شنفعني الجو يا صاحب من خلالي
اخذ ربعي وخوتي من خلالي
جثيره اذيول عبرت من خلالي
الزلم واشباهه عبرو عليه




*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*

كانت معكم أبوذيات الشهيد رحيم المالكي الجزء الثاني وعددها ( 25 ) أبوذية وأنتظروا مني في الأيام المقبلة أن شاء الله الجزء الثالث ولنفس الشاعر وأتمنى أن تنال أعجابكم .

تحياتي أشرف علي ملك الرياضة ...

صافي وخلل ما بيه ولا عيب
ولااعرف الحجي الملوي ولاعيب
وعذولي لاخجل يعرف ولاعيب
فرق والبينه بعد الثريه



تحياتي
روعه الابوذيات

تحياتي ألكم يا حيدر الزبيدي ويا همسة .. وشكرا لمروركم ...




تحيااااااااااااااااااااااااااااااااتي أشرف علي ملك الرياضة ...

شكرااااااا يا مبدع ع الابوذيات الجميلة تحياااااااااااااتي

يسلموووو
رووعه عاشت اناملك يا مبدع
شكرا خيووو

مشكورين تحياتي

تحياتي لكم يا كوران وهديل الحمام ومجنونة ذكرى حبيبي ومحمد الساهر وشكرا لمروركم ...



تحياتي اشرف علي ملك الرياضة ...

يسلموو اشرف علي

روعة روعة روعة

تحياتي اني اخوك عرفتني


انريد بعد اكو

رحم الله رحيم المالكي
ويسلم ذوقك اشرف
SSتحياتيSS

عاشت ايدك



الفاتحة علة روح المرحوم

شكرا لك اشرف رحم الله رحيم المالكي ابو حيدر

تحياتي ألكم يا أحمد ويا يوسف القيسي ويا حيدر صباح ويا نورهان ويا ريال لوف وشكرا لمروركم .

أحمد الكرادي طبعآ آني أعرفك أنت مو مرات أشوفك أبيتنا .

أقروا سورة الفاتحة على المروحوم ورحم ألله من زار وخفف .


تحياتي أشرف علي ملك الرياضة ...

رررررررررررررروعة

[ندعوك للتسجيل في المنتدى أو التعريف بنفسك لمعاينة هذه الصورة]