عراقي اني

موضوع: عراقي اني 10/10/09, 04:03 pm

انطيني من وقتك ثواني ... ما أكلك آني وآني

شاعر من أهل العراق ... عربي وأصلي عدناني

قريشي ومن نسل قحطان ... لا تركي ولا مدغوش بأفغاني

لك الزمان ابيوم ذر الناس ... الزمان عليك ذرّاني

وأخذ يردف علي ضرباته باليافوخ ... لحد ما حيل خَوّاني

لكن بي طبع ما طيح ... روح اسأل عليّ واشهودي عدواني

مو انسان يحجي وياك ... جرح يمشي عله طوله وشمعه بصواني

ما عندي لجوء ايجتف الانسان ... ولا مربوط بلساني

وك استاتس عندي من عمان ... وسياسي... كوفي اعنان سمّاني

عراقي آني ... من زاخو لعد الفاو عنواني

دجله أمي....وأبوي اسمه الفرات ... وليلي مرجاني

عمت عين الزمان اشلون ذَبّاني ... ولو حز ابضميري الجوع ... بس ما غير ألواني

إيخسه التاريخ إذا مو باول أحروفه ... يحط اسم العراق ويشطب الثاني

عراقي آني البكلبي على الساني ... آنه الماصحت يوم أحاه ... وعلى امتوني تكطع صوت سجاني

وأظن ما قصريت أوياه ... أخويه الجان ينخاني

يِأَشِّر بيده من ابعيد ... جديم الكوم يلكاني

عطش مره... شلت نهر الفرات وجيت ... وشفت دجله على الجولان يتناني

عراقي آني ... واليبيعن سكاير على الرصيف اليوم نسواني

والماتوا بحسرة علبة حليب اطفال ... هذوله أطفال خُوّاني

ما آغَنّي بعد بلاد العرب أوطاني ... من الشام لبغدانِ

ومن نجد الى يمنٍ ... الى مصر فتطوانِ

عراقي آني

ولو تعرفني كل الناس بس أعطيك برهاني ... من داروا عليّ عرب آخر زمان وحتى جيراني

ما هزوا وحك عيناك ... شعره من شعرات وجداني

عراقي آني

تحياتـــــــــــــــــــــــــــــــــــــــــــــ ـــــــــــــــــــــــــــــــــــــــــــي

موضوع: رد: عراقي اني 10/10/09, 07:26 pm

يسلمووووووووووووووووو
تحياتي

موضوع: رد: عراقي اني 11/10/09, 11:43 am

عاشت يداك لان العراقي يبقى راقي واصيل

موضوع: رد: عراقي اني 11/10/09, 12:45 pm

تسلم ايدك رررررررررررررررررروعة يا بطلة
شكرا الك

زائر

شكراا يا ذكرى علا القصيدة الجميلة

تحياااااااااتي