من كد ما احبك وكتي بيه احتار

من گد ما احبك وكتي بيه احتار
ومن گد ما ذكرتك بيك سماني
اصفن وي هلي وصرخ وگولن هاا
ويسالوني وگولن حبي ناداني
وتتركني بطريقك غربه لي سنتين
ويسالوني البشر هاا شنهي شمتاني ؟؟
شعليكم اجاوب انه راضي بهاي
حبيبي وامناني بدربه خلاني
وتوديني اعله موتي وعيني تسال ليش
وگللها چذب لي گلبه وداني
وي عدواني تمشي وما زعلت اعليك
لا.بل جيت يمك ويه عدواني
واحس بضلعي سيفك بس ضحكت وياه
شاقيته وذبحني وگلت شاقاني
ويگولون اذبحك چا ليش ساكت صيح
وگللهم چذب ما يوم اذاني
وضميت انه دمي ابين چف الگاع
وخفت لا تضوج منه اخفيته بلساني
ارگص لك فرح حتى اقنعك مرتاح
وانه بگاع الجمر بس ربي طفاني
اگص اعله الحقيقه وحتى اعذرك زين
وذا ما لگيت عذرك يعذرك اني
اكشخ بالمنيه وعيني ليك ادور
وذب اعليها روحي وناسي تنهاني
وانتضر انه چلمه تگول الله وياك
حتى بهاي اگولن ولفي حاچاني
قبايه بعشرتك للعبتني وياك
تهت بس لا گلت مو هوه دلاني
ابّعد سنتين تختل من اريد الگاك
وگليبي بهمستك چلمه قباني
وصيح من الگه ضلك بعد كومه اسنين
موش انه الگيتك انت دلاني
على اشفاف الحلم مرات اشوفك طيف
وتخيل فرحتي بطيفك الجاني
يجرني من الضلع گلبي ويجيلك ريح
وتخيل گلب من ضلعي جراني
متحبني البشر يمي شكثر يحجون
وگلت ايمون هوه بكيفه سواني
ميحبني واموتا هيچ انه اعليه
چا شيصير لو فد يوم حباني
چا شيصير لو فد يوم حباني

مع تحياتي كوران

شكرا
كورااااااااااااااااااااااان
انتة دائما رائع
تقبل مروري

شكرااا يا هديل علا المرور الجميل تحياااااتي

شكراااااااا يا نبا علا المرور الجميل تحياااااااتي

عااااااااااااااااااااااشت ايدك يا راقي

شكرا شكرا حبي كوران ع الشعر الروعه
تحيااااااااااتي [ندعوك للتسجيل في المنتدى أو التعريف بنفسك لمعاينة هذه الصورة]

شكرا لمرورج الحلو يا ذكرى
تحياتي الج يا وردة

شكرا لمرورك حبي احمد

تحياتي الك يا وردة