تكرهني وكرهك هيج انت تريد؟؟

تكـرهني واكرهك هيجي انت تريد ؟؟
حسبالك سهل ؟؟ مو صعبه علي نسيانك
تكدر تنسه انته وتكره الحبوك ؟
تكدر تجرح انت العشك بستانك ؟؟
بس ضكت الفواكه وانت موطماع
وشميتك ورد مكطعت ريحانك
لان ضكتك ضجت تكرهني ليش شبيك ؟؟
وبقسوة تعامل كليبي الصانك
بعيونك حجي .. اتغيره ليش وياي ؟؟
انه امدوزنك ومألف الحانك
ليش لسانك يغيير حجي العينين ؟؟
ليش تخون عينك انت بلسانك ؟؟
انت كليبك ابيض شو قسيت وياي !
هسه ادري شعجب شو كثرت الوانك ؟؟
انطيتك عشك ما شفته من الغير
كلي شقدمتلي وانت كدامك ؟؟
ادك بابك اذا شفتك نمت مقهور
واتعذر وأكلك ردني لحضانك
تجازيني بسهر وصد ضد النوم
عشت وياك اداين عمري لك كل يوم
وانت الماينام بليل ديانـــــــــــــك
ميزانك جنت مكشوف دوم وياك
عليك يهون يمكن تنسه ميزانك ..؟..
تجرحني واشوفك تضحك بكل صوت
وما يغلط ابد بعيوني نيــــــشانك
طير انه ولكيتك بيك كوم اغصان
كلت ارتاح يمك واغفه بحضانك
وكفت انه اعله غصنك ما قصدت ااذيك
اشو بلاريح وخرت مني اغصانك
قصدك واضح ادري تريد اطير ابعيد ..
هذا انه وطرت من جنة اوطانك

جميله القصيده مع كلماتها الرائعه وننتضر منك المزيد تحياتي الك

روووووعه الكلمات اخوية
تحياتي

شكرا كلام جميل جدا تسلم الايادي

اشكرج مي يا متئلقه

وتحياتي يا دمعه العراق ويا هديل هذا من ذوقكم
منوريييييييين

زائر

شكراااااا ع القصيدة الجميلة تحياااااتي