رائعه من روائع الشاعر (جبار رشيد)

خلك ماصرت لوما خليلي اتصير
وصرت خلي برضاتك جي صرت خلك
علمتك عليه من الألف لليــــــاء
وتغلـــط بالأجابــــه وآنــــه اعدلّــــــــــك
حرثت الخاطرك بالروح مثل الكَاع
او بوسات او ورد كل خلكَي اشتـــلّك
شمعه انته بحياتي وعمري ضلمة ليل
اشعلت روحي وخفت ماشعلك اشعلّك
خاف سنين عمرك تحتركَ بالشوكَ
اضملّك كمت من عمري اعزلّــــك
وعليك اسودنت موبس اغار عليك
واحل روحي واكضك خايف تحلك
شلّي بغيرك انته والكَه مثلك وين
وتتعب تلكَه غيري بهل تعب شلك
ياهو العلمك وتريد تمشي بعيد
سل الشوكَ خايف باجر يســــلّك
مثل ضلك جنت بالطوه نمشي اثنين
ومشيت انته بضلام وضيعت ضلّك
دليني عليك سنين تايه بيــــــــــك
وامشي وياي ادورك خاطر اندلك
عرفني اعله شخصك رايد احجي وياك
بس كلمه وبعد ماغيره انكَــــلك
وحده من الثنين او وحده راح اختار
لو كلك احبك لو احب كلّـــــــك
اسئل ليش احبك حتى اكَلك ليش
وليش اشما تسوي وياي اقبلّك
لحظة موت عمري سنيني كلهن خوف
وبس وياك أءمن لمن اوصلّك
وانته آخر نفس واشكَد عزيز اتصير
وبلحظة الموت اتريدنه انملّك
خيط اعله الجرح باللحم صرت وياي
لو كل الجروح اطيب مافلــك
تعرف كلشي بيه وماعرفت اشبيك
لغز حلك لغز من يعرف يحلك
واشرد حتى اجيك ومدري ليش الخوف
وخاف اتخاف مني ابسدك اختلك
مثل ضلك اضل واليل يكَضي اليــــــل
ومن تطلع شمس من طولك انزلك


تحيااااااااااتي كوران

شكرا لمرورج يا هديل الحمام

تحياتي

شكرا لمرورج يا سمر قند

حلللللللللللللللللللللللللللللللللللللو منك يا كوران وتحياتي الك القصيده راقيه

حلو كوران صاير تبدع مو عوايدك هاي
[ندعوك للتسجيل في المنتدى أو التعريف بنفسك لمعاينة هذه الصورة]

شكراااااا لمرورج الجميل يا مي محمد تحياتي

شكرا للمرور الحلو يا ذكرى

شكرا لمرورك الجميل يا صديقي محمد انته الي مبدع يا وردة