آ«آ®آ°آ·.آ¸.â€¢آ°آ°آ®آ» اكبر موسوعه للبوذيات آ«آ®آ°آ°آ·.آ¸.â€¢آ°آ®آ»

الكثير منا يحب الشعر الشعبي
والابوذية هي احد انواع الشعر الشعبي العراقي

وانا من محبين الشعر الشعبي كثيرا..أحببت ان اجمع لكم ما مر عليه من ابوذيات وما كتبت منها.
اتمنى ان تروق لكم هذه الكلمات.

تحياتي للجميع
واترككم مع هذه الموسوعة

أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

أتلعثم من أشوفــــــــن وسطك أنا
أومنوا لوشوش بذانك واسطك أنا
تقلي ويــنك أنتــــــــه وسطك أنا
تــدور بــالنـبـض تـعـــــثر عليه

احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه

أشنون الروح اكضها من تهم بيك
أو مثل تهمه حبـيــبي من تهم بيك
الضيم اليمر بــــــيا منته تهم بيك
ولاجنك وأنا مبـــــــــــــين عليه

أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه

أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه

بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه

نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلاها عليه

حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه

نقل طرف الجذيله وحـــــيل يرها
حجي الغالب على المغلوب يرها
أنا روحي أشعره والمجنون يرها
لون عــــاقـل تــرك منـــها بـقـيه

حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضقت حلوتها ومرها
بويا طلع مــــرها أمر امن المنيه

أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه

جمالك زاد عن يوســف وقبله
وحبك صار لي منــــــبر وقبله
أمر أعلى الصخر يافلان وقبله
لأن قلبك صخر مـــــاحن عليه

يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه

أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه

اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبــني بنويه

المصايب بس على روحي تلافت
يقلبي اعله النكر طيــبك تلافت
اون وعطامي بهــجرك تلافت
طريح وســاد دوب النفس بيه

يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه

أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه

صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه

شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه

وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه

تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه

زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه

أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه

يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه

حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه

هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه

بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه

كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه

روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه

قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه

يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه

وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه

أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه

انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه

كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه

حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه

بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه

ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه

علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه

عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه

حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه

قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه

بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه

نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه

مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه

وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه

أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل عليه

وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضيه

سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه

سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بيه

الرد

اشتــبي مــنا تســــألنا ابـــشكلـــــنا
بويا ورد جوري أبوسط جنه شكلنا
لون واحد على حـــــــــالك شكلنا
بويا عصرنا الزلـف وانطيناك ميه

حيره ابياسجيه أمتدح وصفى
أنقى امن الذهب والماس واصفى
أعلى امن الوصف والمدح وصفى
ابكل خصله حرت وابكل سجيه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

أسنونك بيض لون الوفا بيهن
أودواليبك وفر بيهن
لون جنحان عندي وفر بيهن
وجيك أبليل جد تطري عليه

حبيبي أومهجتي أودنياي ونته
ترى المالوم صعب اهواي ونته
يصاحب تاه مني القلب ونته
بس لو صادفك تلقاه إليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه

يناهي جوز عن هالطبع وتراك
ومثلك منوجد بالعرب وتراك
خذك نار لوفانوس وتراك
وشعرك ليل والقصه ثريه

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه

يكت دمعي بيابي دمى واجفى
إلى ويا الخان يوم الحشر وجفى
انجان انته وليفك زعل وجفى
أنا ولفي نكرني أوخان بيه

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه

اندهني هم اضربك بيس واجراك
وعساك ابمثل حالي أتصير واجراك
يجي يوم الوجر فوق واجراك
واهلس ريش جنحانك بيديه

يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه

لطـــب البـيـتـكم وابــــــــوق واسطي
وابـــوق أمن القـــــلاده ذهب واسطي
حسافه شفت طولي أو ماشفت وسطي
وســــــــطي كــله أقـــمار أو نور بيه

ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه

روحي والهوى ودنياي وعداي
علي وشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه

من وجدي لهـيب الشـــوك ورباي
نديمي وعلى ادروبك اصد ورباي
ابن كلبي وضـوه للبــــيت ورباي
فرح شوفـتك من تخـــــطف عليه

بودادك آخ للدلال فخار
جدب كلمن عليه الجد فخار
اختلاج الناس من صلصال فخار
وحبيبي اختلق بالقدره العليه

تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه

أنا صابر وانتظر واشوف وعداي
أنا طحت ومرضت مرض أيوب وعداي
أنا خبرك ياحبيبي درى بوعداي
البقى ابراسك هواك العمل بيه

نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاقولن جنت صاحب إليه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

أضعضع حيلي من فرقاك ونهار
اوعليك ادموعي صبن مزن ونهار
بعد ماعرف طعم الليل ونهار
إتعمى عين الغفت بجفاك إليه

مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

قسيت اوياك يسمر عمي أنا
أوعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه

الرد

عايش اومختلي ابحالي وخالي
وشوف اهواي بعيوني وخالي
عمي دب علي جمره وخالي
جاب امهفته وهفه عليه

نديم الروح ياحنين صبلها
حنينه وشافت بعينك صبلها
مقامات العشك حبك صبلها
بقيثارة عواطف سومريه

غرابي فوك تلك الشجر ينعاب
اخاف اهلك عليك وعلي ينعاب
الجان اليس منه الجبد ينعاب
ونه كلبي تسله بين اديه

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه

تشوف اهمومي بعيونك وترها
وتغيب وتكطع بروحي وترها
يرهيك الوكت يسمر وترها
وتصير انت ابو الراهي عليه

شالوا لا على مكصد وداعي
ابليل ولا تنه الحادي وداعي
يحكلي لنسف اذراعي وداعي
بحك وخل تلوم الناس بيه

لون داءك عسير اليوم ولداك
وكلنا ياطويل العمر ولداك
وعلي الهز باب خيبر كبل والداك
السلفه انت السمه واحنا الوطيه

رفضنا كل مذله احنا وبينه
الشهامه انغرست بحينا وبينه
انت خالنه وعمنه وبينه
كف دمعك ولا تبدي الشجيه

اوحي لي تبتعد ويطول بعداك
الحال اتصير حال الضيم بعداك
حلو كل مرار العيش بعداك
بيوم اتشمتو بجفاك اليه

همي من كثر يذبل وراها
ونار الكلب ما يخمد وراها
كل شده يهل وادم وراها
فرج ، والفرج من رب البريه

الصديق اللي نشوفه نقي ونظيف
نود كل يوم نبدي اعليه ونضيف
علي طيبه نجمل طيب ونضيف
بكثر معنى الحروف الابجديه

متى من ليل هجر اجفاك تنهال
اشجره وسياط هجرك علي تنهال
عزيزه دمعتي وبجفاك تنهال
مثل هل السحاب اعلى الوطيه

انشدك من لهيب النار شكوه
اعطشت ومن السراب امليت شكوه
اشتكي عندك عليك بالف شكوه
ولا كلبك سمعها وحن عليه

الكلب شاجر على ابن أمه وداوي
تضعضع ونهدم ركنه وداوي
لا مجروح حتى اكعد وداوي
ولا غايب وكول يعود ليه

تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه

علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه

اهمومي ماتعداها ارقام ونمر
متى نكدر نفوت اعليك ونمر
دليلي اعلى المصايب صلف ونمر
يضحك والدهر محرب عليه

تعابيني بحجي الواشين والنوم
وانا والله ونيني اعليك والنوم
شوف الجسد مني ركد والنوم
حاربني وفلا يعتاد اليه

الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه

علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه

الكباحه دوم من اشفاك تنباع
ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه

الالم يتسلي بدموعي ويلها
واندل السكم روحي ويلها
وجعها آه من نزفه ويلها
كلبي والجفه انولدوا سويه

انتهينا وايست منك وضعنه
وكل واحد منشي بدربه وضعنه
كضه وياك واتبدل وضعنه
امئيس واغسلت منك اديه

اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه

العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه

يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه

بعد هيهات اولمهم وراهم
عجاج الظعن عن عيني وراهم
جفوني وظلت اعيوني وراهم
احشبحه او افراك براحات اديه

الواحد ما يصير اثنين بالقيد
ولا عندي حجي العذال بالقيد
دخيل اليسروه للشام بالقيد
يلين المايحن كلبه عليه

صحت الغوث من دنياي وناس
منهم ماشفت بالكدر وناس
هذا الكطع ذاك الغفل وناس
استغيث بخالقي رب البريه

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه

الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه

سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه

من منكم علي نشد من سال
جفيتوا وبجفاكم صوت من سال
اشعندي غير دمع العين من سال
اخفف بيه مصار الصار بيه

يناهي لاتشد باراس وبره
تظن منك دليلي يسل وبره
انا جمدوب اكد للظعن وبره
الظعن واهل الظعن شحو عليه

يلوم المادره بروحي شمرها
مايدري الدهر عن ودهم شمرها
ليالي افراكهم والله شمرها
أمر من المنازع بالمنيه

بروح الهوى عيب ابكه ولا خل
انازع والعكل صاحي ولا خل
ابكوتك ما الي صاحب ولا خل
سواك وحرمت وصلك عليه

شوف اشسال من جرحي وشده
وعلي تصعب مداواته وشده
نخيت اشجم خوي بهمه وشده
يصير اصعب من اعدائي عليه

وحك اللي تعبده الناس منشاف
الدمع من يومكم لليوم منشاف
الف ياحيف شفي انكطع منشاف
بعد هيهات جمعتنا سويه

علي معانقك ياترف ويبات
وعون النادمك للفجر ويبات
العاشق دوم يرع النجم ويبات
تجتلونه وعد الله خطيه

الكلب شاجر على ابن أمه وداوي
تضعضع ونهدم ركنه وداوي
لا مجروح حتى اكعد وداوي
ولا غايب وكول يعود ليه

تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه

علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه

وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه

يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه

ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه

ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه

قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه

يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه

تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه

هذا البيه كنتم لايميني
وعذر مافاد بيكم لايميني
لو تكتف يساري وي يميني
هذاك انه الهوى غالب عليه

اشمالك يازماني علي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبني بنويه

مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه

نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه

وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه

اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه

حجيتلج عن نفسي لمن التقيت وياج من اول مرة
وجنت ابقى على مودج لمن يتاخر خطج اكثر من مرة
وشكد الدنيا ملل وخـــــــــــــــنكة و مرة
بس لمن عرفتج صارت حلوة عليه

عزيز وشوفتك عندي محلهه
والك عكدة وسط كلبي محلهه
حبيبي جيتك لينة محلهه
تعال بغيبتك شفت المنيه
وحك ارموشك الحلوة وعينك
انه بلشدة اوكفلك واعينك
لون بيدي نصبتك وعينك
ملك تحكم على كل البريه
ادك باب الي ضدك واشتمنه
واشيل اتراب جدمك واشتمنه
اطلب حبيبي واشتتمنه
حاضر لو ردت روحي هديه

احبك اكثر من الكون وانسى
وعندي الموت لويرضيك ونسى
ماافارك ابد ذكراك وانسى
واقدم روحي لعيونك هديه

اكتب شما ردت تكتب واردلك
ازعل وابتعد وامشي واردلك
بساتين وسط كلبي وردلك
شما نزعل تضل غالي عليه

احبك ما احب على الارض سواك
وسبحان الذي من طين سواك
بشر لكن وية الكمر ساواك
واحد فوك واحد بين ايديه
------------------------------
اريد اكتب رسالة بحبر من دم
وعلى عمري الكظيتة وياك مندم
انا شما ضحيت للطيبين ما اندم
بس اندم على الصديق الخان بية

آني احبك وانته بحالي مو داري
وخايف لاتكون تحب وآني بهذا مو داري
أريد اتزوجك واسكنك بداري
وتنورلي الضلام الي حل عليه
***
شلونك حبيبي و شلون غربة مصر
آني أراضيك وانته على زعلك مصر
لا ماتمنعني منك لا شام ولا مصر
وغصب عنك ترد بالحب اليه
***
اذا ضلمت حياتي انتي نور
تعالي اسكني بروحي امليها نور
ويا ذوق الي سماج نور
وكل عمري وحياتي الج هدية
***
تعال يا حبيبي عليه بس مر
وقلبي عالطريق عليه بس مر
كلي احبك كافي تبسمر
واخليك انته الروح والريه
***
لا تضن يهمني شي انته بعيوني ملاك
انته روحي وعمري وعشقي ملاك
انا عمري عشته بلا ملاك
وانته الملاك الي حن عليه
***
ضلمه حياتي بدونك ارجعلي ويه النور
وبشوفت عيونك شايف حبيبي النور
وينك اريد احبك والله يا نور
حبيبي الروح انطيلك نطيه
***
عمري وحياتي انته وروحي
انته الغالي يا عمري واغله من روحي
وين القاك واهديلك قلبي وروحي
و اذوبك بالدلال والحنيه
***
سألتك يا حبيبي واريد اسمع علي ردك
والقيلك قصايد واحب اسمع علي ردك
و لو تطلب حبيبي الروح صدك أبد ما ردك
وانطيك العمر كله هديه
=============
نفس ونريد شمـك ياهوانا
العمر ذله ابغيابك ياهوانه
أتيه الروح يمــك ياهوأنة ؟
خيالك مرهم ودلاها لية

جمالك زاد عن يوســف وقبله
وحبك صار لي منــــــبر وقبله
أمر أعلى الصخر اني وقبله
لأن قلبك صخر مـــــاحن عليه

جنت صافن ضربت خماس بسداس
ساسك صح بنيته وياك بس داس
صحيح انه العبت وياك بس داس
افر الزار كاز يصير الية

رضيت ابضيم عذالك ويهلـــــــك
وعارك حيل مابيه ويهلـــــــــــك
لبوك ادعي ابمرض قاتل ويهلك
ومك تنعمي وتصير اليـــــــــــه

المن خزرتك يا ترف والصاد
تلفت گلبي بعذاب الهجر والصاد
الف جزوة انصب للوصل والصاد
عذولي و ضاعت الفرصة علية

البخلّ ما وصل يمي .... ما لحاني
وتضل وحده كلمتي .... مآألحّ آني
كريم و هيت امي ..... مالح آني
معّزب دوم يالتنشد عليه

ازرع ورد واحصد شوك واجني
وغرامك بالف لهبه نار وجني
يقاسي الكلب دمعي حرك وجني
ولا مرة عطف كلبك علية

عطر منك يمرنه بسد وردنه
زرعنه الخير بينه وما وردنه
خبر مكتوب منك لو وردنه
اجيك ازحوف وحجيلك عليه

ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونگسمن سويه

جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية

تعال انظرضنى حالي ولوني
بجفاك وصل غذالي ولوني
طريح اوساد يحبابي ولو ني
اصبر والصبر ما فاد بيه

اجيك ازحوف ماأتعب ولفحط
وبنص الكلب ياوادم ولف حاط
ألف حراس لو خــلو ولفحط
اجيلك واليصير يصير بيه

حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه

ابسبب تدري اعله مامش راح مديت
شبابي والخلك والموس مديت
صبر ونخه يداحي الباب مديت
حالي ابمستحه اعله اجفوف اديه

يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه

أنكتل كدامي كلبي..منسكتله
ودم مادام جرحي..منسكتله
طلع عينه كلبي...منسكتله
وعافه براحته يلعب عليه

كلبي شم عطر خدج وراساج
وعلى مرمى العشك حطج وراساج
احلف بالغزل واهله وراساج
معوفنج لمن تدنه المنيه

نفسك دوم حاسبها ولمها
تره امن ايدك مسرتها ولمها
فقير الحرص عالدنيا ولمها
وغني اليقنع ابرزفه لبلا شجيه

عليمن ياجدم سيرت وخطيت
وكثيرة ذنوب منك شلت وخطيت
عمت عيني رميت الحلو وخطيت
على بخت الذخيرة الخان بية

ذبل هرش الگلب يبناي عوده
وانا من احبابي ما حصلت عوده
يرد للدار مـا ظن بعد عوده
ويرد شملي يـمه بيك اليـهكافي جفة يحبابي بس عاد
ودعي من رب العرش ايامكم بسعاد
عهدآ عليه اذا الغالي بس عاد
احني جفوفي ودوس المنيه

ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه

حبي ابدمايوم الك ينكص
وليش الصاحب من يغيب ينكص
وكت خله الحديد بخشب ينكص
وكت خله النذل يلعب عليه

نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من احظنه شيفكه من اديه

وحك البلمهد ربه وحاله
الدنيا وياي للهامه وحاله
صديقي الهد علي چلبه وحاله
الچلب رد وصديقي انهد عليه

گضن ايامنه يبن اامي وراحـن
وعليكم رمدن عيوني وراحـــن
شال المحب وگليبي وراه حــن
صفى بس البچي والنوح اليه

اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه..

افز من يجي وليفي وفر بيه
وشبكه ومن فرحتي وفر بيه
اذا بالشته وجو بارد وفربيه
احس تموز حضنه يصير اليه

حبيبي شلونك بهجري وانه بعيد
لجلك البس السود وانه بعيد
كتله حيل احبنك ونب عيد
اكرر والصده يرجع عليه

اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه

نسيت وتيهت روحي وهم بيك
خويت وضيعت ناسي وهم بيك
وحسافة العمر كضيتة وهم بيك
طلعت جذاب وتلعب علية.....

أحب ابلادي ماحبن بلادين
كافر ولنكر دينه بلادين
انه ماامد ايدي بالغربه بلادين
أخاف الغربه تاخذ حتى اديه

حلو يمشي بخيال البيت شفته
تشبه لمعه الياقوت شفته
مريض أنه او دواي بطرف شفته
ودواه احسن من الدكتور اليه

كتلني الينسل بشعره بلاماي
مثل عود الكبر يزهي بلاماي
مراجيب الهوى سارت بلاماي
كون أشوفك كل صباح أوكل مسيه

تواصلنة صبح سطحي وشكلي
واباوع بالأفق هجرك وشك لي
حبيبي عاين الحالي وشكلي
كبل ماتهجر وتقسي علية

صرت قصه وسوالفهم... روني
المصايب من عكب عينك...روني
يل خدودك عسل صافي .وروني
شفني من كل مرض لجان بيه

أحبابي اشلـون حــالتــكم بعدنا
اشبدينا والوكــت عنـــكم بعدنا
إذا انــــتم نســــيتونا بــــعدنــا
أبذكركم كل صباح وكل مسيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

احبك ما أحب عالارض سواك
سبحان الذي من طــــــــين سواك
بشر لكـــنه ويـــة الگمر ســـاواك
واحد فوق واحد بــــــــــين ايديه

أشلون الروح اكضها من تهم بيك
أو مثل تهمه حبـيــبي منتهم بيك
الضيم اليمر بــــــيا منتة هم بيك
عســـاكم بالفرح والضـــيم بيـــة

هنجل كلبي من شافك ودرباك
وحرت شلون اعلمنــــك ودرباك
كضيتة زحوف شارعكم ودرباك
زلغت الركب وعكوس ادية

عطشان علة جرفك ليش يماي
كل خصلة منكظهة تصيح يماي
بعيد ابعد بعد لا تلفــــــي يماي
اذا تلفي اشك ثوب العلية

أصد وازعل وادير العين طبعان
لچن لچمات إلك بالگلــب طبعان
حلو بكلشي و لكن بيــــــك طبعان
تـشــــك وتــغار حلوة وبيها اذية

بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحگني بالشفا گبــــــــل المنيه

نقل طرف الجذيله وحـــــيل يرها
حچي الغالب على المغلوب يرها
أنا روحي أشعره ومجنون يرها
لون عــــاقـل تــرك منـــها بـقـيه

حبيبي اديارنا لـــــــوجيتوا مرها
أونفسك عالوفـــــا والطيب امرها
عشرتك ضقـــت حلوتها ومــرها
و طلع مــــرها أمــر امن المـــنيه

يحلوة عيوني انتي ونتي رمشي
لتزعليني منــــــج ونه ترة امشي
راح انطيج رقمــــي ونتي رمشي
بس يرمش اتصل مية بالمية

حياتي لاطعم بيهه وريحه
ارتب الكلب بوجودك وريحه
اهجم حيفا وغزه واريحا
وادور إرضاك يالمبعد عليه

احبك واعتذر منك وناسف
جمال بروحك امغربل وناسف
احط بروحي تي ان تي وناسف
وافجر روحي اذا تزعل عليه

كلتلي ألبس مخطط وساده
واهلك من نسل طيب وساده
انا طول اليل افكر على الوساده
افكر بيك يل ماتفكر بيه

حديقه بعلم رب الكون ظليت
وعن درب العلم ياناس ظليت
شجره وبس على العاوين ظليت
صرت سايق مخده وجودليه

يغايب اريد اشوفك وانتشابك
اشبكك انه بيدي وانتشابك
ولك انه امن البعد عقلي تشابك
بس ارجع الكروه عليه

إلك صار الكلب سلوه ويظل لك
ويوله اليبعدك عني ويظلك
اغار عليك من تمشي ويظلك
واغار عليك من روحي عليه

سهام عينج بكلبي حيل شرعا
وسفن حبج بخليج الروح شرعا
وردت مذهب يحلل البوس شرعا
واذا ماكو ارد للجاهلية

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه؟!

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه؟؟

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

متى منياي يحبابي .. سنلها
ويوم البالجفه روحي .. سنه لها
دويت ونار فركاكم .. سنلها
وحركت الفزعوا ايطفون بيه

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه

روحي برشف خدك من عداها
احب وصلك وهابك من عداها
افراكك يوم احمله من عداها
ازورك لو تصير احزاب اليه

ليش الغدر جسمك منتشر بيه
وكلبي لاتكل صافي منته شر بيه
طرف صبعك حبيبي من تشر بيه
كره واحقاد امطاره عليه

شبده مني وتركت بساع ودك
ولو ادري بعذاب الگلب ودك
اعتب عالزمان اللي عَلَيّ وداك
اختارك وكح حتى تخون بيه

اكتبلي شما اردت تكتب واردلك
بساتين بوسط گلبي ورد .لك
اروح وابتعد وازعل واردلك
لأن الگلب بيدك مو بديـــه

گلبي انت ملكته وانت حر بيه
عليل ودواه عندك وانت حر بيه
ويا كاس السم اجرعه وانتحر بيه
ولا غيرك يمس اطراف اديه

زاد بكلبي شوكك...و انتقل بيه
و صعد للراس حبك...و انتقل بيه
شلون احب غيرك..و انت قلبي
و انه بكلبي احبن مو بدية

يلايم لاتعذب الروح خلهه
عساها تموت بعد فراك خلهه
لزم ايدي الطبيب وكله خلهه
الالم بالروح ماهو بديه

طحت لا حيل بيه اكعد..و لاكوم
و لا خوان فزعولي..ولا كوم
لاني بصلح وي وكتي..و لا كوم
اراضيه و يرد يزعل عليه

ترف كلي بهجرك عليّ ..منشار
سحابة و بس عليه امطرت...منشر
اخذ و انطي و صير وياي ..منشار
و مثل ما انشد عليك انشد عليه

عليهه خدود شبه الذهب..و الماس
شفتهه و تيهيت اليوم..و الامس
حاير بين احبن و اشم..و المس
زبد خافن يموع ابين اديه

انه بجمرات وكتي..ماشغلني
و غير حبك انه..ما شغلني
تخبلت بعيونك اني..و ماشي اغني
تسودن صاحت الوادم عليه

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.

وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

حبيبي اليوم مابين ومايه
وبه نشف دö
الكلب ومايه
جبتله نانسي واصاله ومايه
وطلع يدور هيفا وهبي عليه

غرامك حط لي عله و سل سلاني
و اخــــير الناس قلبك سلسلاني
اريد اجوي بسلاسل سلــــسل آني
لا قاتلني و لا هو يعــوف إيديه

لحـد المـــوت منــك واصــل آني
و عفتني والف شامت واصلاني
قطع صرت بجفاك و وصل آنـي
دلمهم خـــــــــــاف تتـــندم عليه

عليــــك اللــــيل كــــله آنا و آنه
و معاك العتب الحين حان آوانه
اتــــهــدد بالنــــفــاهـــا آنا و آنا
وينك مو طبـــق دهـــري عليه ّ

ابتلت روحي و لا يخلص بلاها
و بمحــــبتك ينتــهي قلبي بلاها
بعـــذابك يا حـــلو ربـــك بلاها
و تضل تنوح كل صبح و مسيه

تغـــيب الروح بغيابك و اردها
و كتاب الشوق يا مدلل وردها
وروحي بفرقـــتك يذبل وردها
ماي انت وترد الـــــروح إليه

صوتي من نداي اعليك...بحاح
و سرك لا تظن للغير...بحاح
اكضي الليل كله احاح ..بحاح
شمطيب جرح غيره يصير بيه

خدودك بيض يحلالي...شذرهن
جروحي خزن كلي..شذرهن
انه من ابوس خدينك ..شذرهن
مضرة ما عليك و نفع ليه

أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الچذب و الفتنة والشوفة الردية

حسّي مره بجروحي..و شعري
و شيب كلبي من عندج...و شعري
ما هزج دمع عيني ..و شعري
من اموتن عودن تشعرين بيه؟

افز بالليل و جروحي..تلمني
عليك وشباها الوادم...تلمني
انه الطشني الوكت منك...تلمني
رموني بعاصفة شرجي قوية

لبّسني عتيج الغرب..والرث
مثعول و الدليل بنار..ورث
ابوي الطيب الي و الشرف..ورث
و صارن ثوب لاك و لام اليه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

اريداخبط مزيج الرمل والحر
وادور عل الصديج الوفي والحر
نخيت الله وابوالحسنين والحر
يحفظ كل اخو يذكر اخيه

شنهوا اللي على المخلوك داره
وشنهوا العاف بزره وسكن داره
وشنهوا المايعيش بغــير داره
وشنهوا الما ينـــام إلا بتحية

الكمر يلي على المـخلوك داره
الزرافه العاف بزره وسكن داره
السمج الما يعيش بغــير داره
الفيل الما ينــــام إلا بتحيه

الدنيا خلافك وحشه ومره
ولا منك بعد جيه ومره
صورك مره اضمهه ومره
اشوفنها توج نيران بيه

نثرت دموعي للاسمر والاكحل
وصبغ وجناتي عخدودي ولك حل
صدكني سهل انت ولك حل
احلك لو ترد انت علية

المن اشكي هموم الدهر واشراح
وما ادري شبقه من العمر واشراح
الناس فخاذ تاكل لحم واشراح
وانا العضمات ما تحصل بديه

حبيبي يلغبت عني ولنساك
وحطك بلكلب يمي ولنساك
وحبك ياظوى عيوني ولنساك
وذكرك كل صبح او مسيه

ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيهيمن حبك دخـــل كلبي وحل بيه
ودهري علي شد حبلة وحل بيه
انه شماريد اطعم المر وحل بيه
يرد من كل كتر مره عليــــــــه

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

وحك البيت واليمه والعضام
احبك وبكثر حبي ولعضام
يفزجلدي من شوفتك ولعضام
ارعش من تحط ايدك بديه

أبعز نومي إجة طيفك وعاني
ومــنك ضـــيم اتــحمل واعاني
إجيتك معتــني إبدارك وعانــي
ولامــره إجـــيت انـــــته عليه

أنام وشوگ محبوبي يعـاني
افز مرعــوب وأتخيل يعاني
هلي الدمع مرخوصه يعاني
على اللي بالوصل شحوا عليه

عشرتك روحي صــــدگ .. ماتملها
وگلبي ايام سعــــدك .. مات ملها
اريد انصب لروحــــي .. ماتم الها
واشوفك هم تجي وتبجي عليه ؟

الدنيا علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي اعله الهوية

لو مره تمــر مثــل .. الشماته
وانا لنحرك يالاسمــر وك .. شماته
ولك مغرور گالولــي .. بشماته
صحيح ابشامتك تنغر عليه ؟

لو تذكر ارباي ويـــاك .. والعن
ولاتنغر على اللـي بيــك .. ولعان
فرضنا لو اسبك حيـل .. والعن
هم ابغيض وك تزعـــل عليه ؟

وصفنة ما وصل حسنك وصفنة
لان يرادلـــك گـعـــدة وصفنـــة
تعال بمدرسة حـــبنة وصفنـــة
واذا تاخذ صفر انطــيك ميـــة

چفك لا يمسني مستة حيلة
وانا الما يستحيلي ماستحيلة
عشرتي وياك صارت مستحيلة
وانا الممنون اذا تگطع الجية

بعدنة كلمن يحب ويلينة
وقساوة بگلبك وجور وية لينة
مثل عدنان صرت انة وية لينة
يحبهة ومستوي وما تدري هية

انا اللي ما رقد ليل ( ن) ولا انهار
وضل دمعـه على وجناته انهار
وقلبــه بالجفى مجروح وانهار
متى المحبوب شوقـــه يرد ليَّه

شرار الشوگ .. رايح وشرجاي
شحيح الوصل بيه شتنه وشرجاي
نسيم الحب يهب غربي وشرجاي
وانه الشرجي عجاجة يهب عليه

إلك أذرف دمـــــع عيـــني وأهلّه
يمن أنوارك شــــــــــموسُ وأهلّه
واظل باسمـــــــك أردد يــــا أهلّه
وعلى مصابك أون صبح ومسية

زمن و أشواق ما يذبـــــــل وردها
و جفن و دمــــوع ما ظني وردها
و سما و جنـــات مو بيدي وردها
متى ألقـــــاك و تـــــرد روحي ليه

أنا كاشف كل ألاعيبك ُوداري
ماتهمني انته مشرف لو إداري
انا ادري بكل خططكم بس اداري
اول الله بانازعكم سويه

ابطـلقـة امـوتـن انا فـرغـت بـيـة ســرة
ومن صار بـية الجرة الحـادي بية سـرة
گـلـتلـهة احبـچ انـا گالــتلـي الـزم سـرة
ولمن وصلني السرة دفعوني من السرة

و حگ ادم و ابراهيم والياس
منكم ما گطعنة الامل والياس
يريحتكم شـبيه الهـيل والياس
اشـمـنهـة وتـرد الـروح بـيـة

عليها اسكب دمع عيني واهلها.
واشم ترابها الطيب واهلها.
سلام الله على بغداد واهلها....
اهلها كرام ما بيهم رديــــــه

سكر كاس الخمر من ضاگ نفسك
اكو غيرك حلو بس ماكو نفسك
اريدك يا حبيبي اتبوس نفسك
بس بداخلك تنويهه اليه

غرامك بالعشگ اثر ودارة
هجرت الي تعب وياك ودارة
سمعت بقيس عاف اهلة ودارة
حملت الضيم وهمومك سوية

اسمك دوم بلساني ورد بيه
وعلى دربك گمت رايح ورد بيه
كل ضني الصخر يطلع ورد بيه
اشمه ويخف كل الالم عليه

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه

علي شلكم يهل عذال ينصاب
تعذلوني ودمع هالعين ينصاب
يطيب الي بضربة رمح ينصاب
لچن جرح اللسان البيه اذيه

شعجب دفتر عشكنه ماتكلبه
وليش انت اليكلبك ماتكلبه
تره كلبي بغيابك مات كلبه
كلب كلبي توفه وعم عليه

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

سرح شعرك تهدل صوبي ونساب
وطفح دمعي على الوجنات ونساب
اسئلك كلي ياهو وياك انسب
وتجازي افعالي الطيبة ابردية

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه

عيونكتصيب الگلب بسهام
يلي ابد ماشفت بهواك بسهام
انا طير المهاجر بالفضاءبسهام
اشوفك وانا تايه بالبريه

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه

يالسهمك لحد حشاي مارد
أظل وياك لأخر نفس مارد
چم مرسال الك رديت ومارد
وظرف منك فلا وديت اليه

اريد اجمع اتعاب الصيف لشتة
وخلها تگول عني اشتعل لشتة
نشوف فلان من العقل لشتة
وشتاي بهالزمان ارحم اليه

لاتعتب تعيد الفات ومضة
اخذ مني سند ديوان ومضة
اذا منك اشوف النوب ومضة
اجيبلك ضوة نجوم الثرية
**********************

يهل الناديت بسمي هواي عيده
ويه هل ماخذ دليلي وياك عيده
الگلب مو بس عد رمضانعيده
اني عندي العيد من نگعد سويه

تگلي بعد ما اريدك ولا ابيك
هاياطباع مو منك ولا بيك
ابد ما الوم والدتك ولا ابيك
الوم الوكت الرهاكعليه

قسيت وياك يسمر عمي انا
وعين الي الماتشوفك عمي انا
اذا خالكفزعلك عمي انا
تبرة وضحك والوادم علية

اجزعت من الصبر روحيوملت
اهموم احصدت بالدنيا وملت
بنيران الفضا اتچوت وملت
الجزع صاحت منالهم والاذيه

بهيمه ياظعن شوگي وناخوك
ونادوك اعلى كل محنهوناخوك
عضيدك آنه بالشده وناخوك
واصير احزام ظهركعالدنيه

الگلب لا مظهر ولا مال غربه
ولو عمري بحماده انشتلغربه
ما احمل بگاع اجناب غربه
احن واشتاگ لهلي بكل مسيه

سهرتالليل بودادك وحييت
وگلت مرحبه بطارشكم وحييت
يمطرب طفت بالكعبه وحييت
اذاجايب حبيبي اوياك اليه

بروح الهوى عيب ابگه ولا خل
انازعوالعگل صاحي ولا خل
ابگوتك ما الي صاحب ولا خل
سواك وحرمت وصلكعليه

علام الدهر شتتن وطرنا
عگب ذاك الطرب بالهم وطرنا
الفياحيف مگضيته وطرنا
ليالي اللي مضت متعود ليه

هي- هجرك ياولف صاير بلا حد
مثل سيف اليكص ركبة بلا حد
وگلتلي انتظري ارجعلچ بلأحد
اجه الاحد ويمته تعود اليه

هو- احد سچين صبري وچنولاحد
التفتت وماشفت ربعي ولاحد
وچم سبت اليمر بيه والاحد
اجي بس شوفتچتصعب عليه

هي- لتهم بالعمر خلصان وحده
وانا ضعني سرى بالهوىوحده
حلت چنها بعيونك غير وحده
گمت ماتسأل ولات

امير عاشت ايدك بس مقريته كله لان كتير كتير بس والله يسلموووووووووووووووو

زائر

اسمك دوم بلساني ورد بيه
وعلى دربك گمت رايح ورد بيه
كل ضني الصخر يطلع ورد بيه
اشمه ويخف كل الالم عليه

رووووووووووووووووووووووووووووعه

عاشت الايادي يا احمد الامير

تقبل مروري.....

يسلموووووووووو ع المرور
[ندعوك للتسجيل في المنتدى أو التعريف بنفسك لمعاينة هذه الصورة] تحياتي

زائر

تسلم ابوذيات روعة عاشت ايدك

منور الموضوع
تحياتي الك

زائر

[ندعوك للتسجيل في المنتدى أو التعريف بنفسك لمعاينة هذه الصورة]

يسلمو ع المرور ياوردة
تحياتي الك حمودي

ششششششششششششششششششششششكرا جزيلا عاشت اناملك يا ورده

منورة الموضوع ذكرى
تحياتي الج