قصيدة.....

زائر

[ندعوك للتسجيل في المنتدى أو التعريف بنفسك لمعاينة هذه الصورة]باسمَك يا عَظيم ابدي ابصَريح القُول غِيرَك ما لي ناصِر وحِّديتَك رَب
وحُب آل الرَسول المنهَج ابدِنياي ابحُبهُم للجَليل وبيهم اتقرَّب
أنة صاحِب عَقِل ميَّزِت وين الخير ما ساوي الفَحَم وَي خِرزَة الكَهرَب
شيعي ورافِضي اتسميني بعض الناس نعم رافض ظُلمكُم ما أَبايع ضَب
بايَعت الوَلِي النَّصُبَة الرَحمن قاطِع راس عَمرو وشاطِرة المَرحَب
وهي بَيعة ابشَرَف كمِّلَت هذا الدين سَهلة اعلى الشِيعي وعالبَعَض تِصعَب
خَلهة الناس تِحجي اشما تِريد اتكُول أنة الراكُب الصَعبة وغيري ما يِِركَب
عندي الموت راحة وهذا درب حسين الَّذ امن الشَهَد بشفايِفي وأعذَب
تِكِص بِيَّة المناجِل صار هاي اسنين والوالَت الطاغِي امن العَذِب تشرَب
نصَّبتُوا اله وحلليتوا اعليه مِن دمَّة العَفِن قرآنكُم يُكتَب
وانة عِندي العِمامة ثَورة عالطاغُوت وغيري ابخَزنة الطاغُوت ظَل يِِنهَب
أنة الشِيعة العراق امن العُرُض للطُول أنة الكُل مو جُزُء واليِعتِرض جَذَّب
آنة البيت كله وراعي هذا البيت أَموت ابساحِتي وما أَترك الملعَب
شربت الموت طَوعاً ما شِكيت اِبيوم اَنَة ابسُوح الاعدام وموتهة امجَرَّب
اَنة امضحي بمراجع تسوة عمرو وزيد صعدت عالمنابر والفشك يلهب
قرابين اشكثُر قَدِّمت لاجل الدين وآخرهِن فَجيعَة كَربَلا الاصعَب
ودم الكاظمية الطاح بالمحراب بحر دمنة ايتدفق ما رضوا ينضب
رضوا ينسفك دمي وجددوا عاشور انة المطلوب دمي امريكا مو مطلب
ولا مسألة محتل واحنة نعرف زين واعين الدسايس وين تترتب
وعلى يا وتر تعزف شلَّة الإرهاب ونعرف ما تريدة وندرك المطلب
لكن لا وحك دم الشهيد الطاح بالمِحراب يوم الصعد كلة البارية امخضب
إذا فتوى اطلَعت بيكم تميد الكاع ونكطعهة الجفوف المَدَّت المَخلَب
نعرفكم منو ونندَل حياية البيت وندري ابيا مكان اتخُوتل العَكرب
كفاكم دم ترة ازعل واليصير ايصير واحذروا من حليم القوم اذا يغضب
يصفط روسكم فوك الجباه يدوس ويخلي ابدماكم يبحر المركب
سامحنة وكلبنة اوراق يابو اوراق وعمرنا وبنينا والبعض خرب
منزع ما بقة ابقوس الصبر يا ناس امتلى صدر الرجال وغيضهم ضهضب
ما ردنا الدمار واحنة ما بادين وحشاهة من التعصب كوم هالمذهب
لكن غيرنا ايريد الدمار ايصير وخف رجلة اعلة طبل الفاينة واطرب
مو ذنب أغلبية هذا واقع حال غصبن عالرضى والما رضى الأغلب
غصبن عالرضى والما رضى الأغلب

تحياتي محمد الساهر

زائر

شكــــ ع الموضـــــ الحــــلـــــو ـــــــوع ــــــــرا

موضــــ ممـــــ مثـــــــ صاحبه ـــــــــل ـــــيز ــــوع

وكلــــــــــــــمات رائــــــــــعة جــــــــــــــــــــــــــدا

تقبــــ مـــــ المـــتـــــواضــــع ـــــــروري ــــــلو,

تحيـــــ كــــوران ــــــاتي

زائر

يسلموووووووووو كوكو ع.الرد

موضوع: رد: قصيدة..... 21/11/09, 02:22 am

يسلمو محمد ع القصيده الروعه

موضوع: رد: قصيدة..... 21/11/09, 03:11 am

شكرااالشعر الروعة
تقبل مروري

موضوع: رد: قصيدة..... 21/11/09, 05:38 am

حمودي القصيدة روعة من رواعك [ندعوك للتسجيل في المنتدى أو التعريف بنفسك لمعاينة هذه الصورة]

زائر

اشكركم احباب كلبي يسلموووووووووووو

زائر

[url=http://www.herosh.com][ندعوك للتسجيل في المنتدى أو التعريف بنفسك لمعاينة هذه الصورة][/url]