تعــــــال ومر علية وشوفني شبية
أمـــوت لشــــوفـــتك يــفلان ليلية
أحـــــــس بلون وجهك بي حزن عاشور
بـــس بـــــداخلك شـــــــــايلــي عيـــديـة
طولك مثل طولك ما يشبهك كل طــــــول
كــلـــك مـــدري شنــهي تكول حـــورية
هاي عيـــون عنــدك لو بحر قزويـــــــن
لــــــو دجلــــة وفـــــرات بكـــل مــعانية
لؤلؤ مـــــن جبيـــنك لـــو عركـت يطيــــح
وبــــس جفــــك يــــلوك يصـــير جفـــية
ما ينلزم شعـــرك جـــنة مــــثل المـــــاي
وتمشــــطه الفــــراشة بــــــوردة جورية
أتـــــرف مــــن تــــرافة وردة البســـتان
ولا مثلك جـــــذب بالكـــــرة الارضـــــية
مو جني لــــزمـــتك جنــــي لازم مـــاي
وأتـــــلمس بطــــولـك خــــاف برحــــية
لـــوحة تكـــول جنــك لــو نحت منحوت
يمكن مـــو بشــــر وتجـــــذب عـــليـــــة
براءة تفيـــــض أشوفك عاطفة وإحساس
ومــــن كلبـــــك اشــــوف تفـــيض حنية
انته اعذرني خاف اتخبـــلت بــــــالشوك
لأن ماشوفـك كمــــــت بـس مرة يومية
يــــم خــــدك أريد تحطــني ترجــــــيات
حتـــى اكـــــدر أبــــوسك وانــــه ترجية