أبوذيات حلوة

يعلمني زماني دروس وانسه
وراح الچان الي بدنياي ونسه
تگلي اترك هوانه دوم وانسه
شلون انساك وانته الزاد اليه .

بعد ما اغزل الغيرك ولا حوك
لئن لاردي اليستاهل ولا حوك
غشيم وصوبوك انتة ولاحوك
معدل بالحجي صاير علية

كلبي ما فرح عكبك ولا سار
وجدمي ما خطا الغيرك ولا سار
اخبرك ما بقت كلمه ولاسر
فضحني الشوك والحب مو بديه

على حبك باب الكَلب سكّر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية

عرفتك وعرفت لغزك وحلاك
وحك من جملك يا أسمر وحلاك
جذب من ايدي اهدنك واحلاك
لانك روحي وفراكك منية


حبيبي انشد عليك شصار ما صار
وغيرك للكلب مفتاح ما صار
ادور عليك بالبلدان وامصار
ولكيتك بالنبض دكات الية