شأكلك وانا روحي تعلكت بيك
وبعد صدك مااجيبك على البال
بوسط البال اجيبنك واخليك
ولا اصيحك بعد باسمك يمحبوب
بعد (بيك انا مجنون) راح اسميك
اذا مو يمي تبقى الروح وياك
اذن شيصير لو بالروح اخليك
وانت بعيد احسك بية موجود
واذا مو يمي يم الروح احس بيك
بنص كلبي احسك وانت ماكو
اذا شيصير لو يمي انا ادنيك
كلشي ولا اشوفك مني زعلان
واذا زعلان مني بدمعي اراضيك
انت وياي شجرة ورافكت ماي
وانطتك عمرهة شرايد انطيك
بطلت البواجي على اليروحون
وعليك دموعي تنزل من احاجيك
عليك تعودت صرت انا وياك
واذا وياك كلي شلون امر بيك
صدك يل (أحبّك) ماتجي وياك
06/12/09, 08:07 pm
رسالة sms
