ألحب عذاب

حبيتك ابروحي وماحجيت ويــــاك
خفت من اكلك تبتعد عني

وظميتك ابروحي وماكلت للناس
ورظيت ابقى ابعذابي ولوعتي وني

بس لشوكت اصبر والصبر محدود
وانت بنظرتك يوميه تكتلني

معروفه اليحب بس الكلب ينطيه
بس انت شلع مني ماخذني

على اجروح الكلب تتمشه من تفوت
ومن دمعات عيني جفوفك تحني

بعيونك سوالف بيهن الف تفسير
وحرت من يانظره منهن بيها تقصدني

اريدك اتحس عذابي ومثلي كون اتعيش
ليش انه الوحيد الشوك ماكلني

وليش انه انهظم واتحمل اللوعات
وانت بكل وكت مرتاح وتغني

اشّوفك جوه كلبي اشّايل من اهموم
واشوفك نار كلبي البيك تحركني

وراها بكيفك انت تقرر وتختار
لو للجنه لو للنار تدخلني
__________________