وفاة مايكل جاكسوت!!!

زائر

تذكير بمساهمة فاتح الموضوع :

اليوم راح اسولفلكم شصار ويايه يوم الخميس
الصبح جنت نايم وكعدت تقريبا بــ 9
صارت الساعه بـــ 1 الظهر
جنت اني العب بلي جان يطلعون عله الاخبار
**((عاجل عاجل .... وفاة مايكل جاكسون))**
كبل انصدمت
لان هوه جان ويايه بنفس المرحله
تالي هوه بطل واني كملت
لزمت الموبايل وخابرت ام مايكل
ها خاله شنو السالفه
كالت بعد خالتك الصار صارانه شسوي
اني كَلت لازم احضر الفاتحه لان اليوم اول وبلكت يسوون غده بي حظ

ما اطول السالفه عليه
كَبل لمطار بغداد حجزت وكملت
جان يكَولون الطياره اطير بالــ 4 العصر
انه وين ايفيدني هوه الغده بــ 3 الظهر
جان كبل رحت للعلاوي حته اصعد سياره لمطار البصره ما لكيت حته ستوته
شسوي هسه؟؟
صفنت اشويه جان تتعده كوستر موديل 1957
كَتله عمي وين رايح
كَال قبطت للبصره
سولفتله السالفه
كال اصعد واكَعد عله المحرك

صعدت صارت الساعه وحده وربع
ابو الكوستر خذته الحركه وكام يمشي 160 كيلو متر بالساعه
بالمطار كَبل
لكَيت يصيحون يم الطياره نفر امريكا طالع نفر
كَبل صعدت طلع واحد حاط الكَونيه مالته عله الكشن و حاجز لأخوه رايح للتواليت
هسه شلون؟؟
كَبل كَالو انزل
يمعودين
ماكو
تالي كَتلهم اصعد يم السايق
بالكََوه يالله قبلو
كَعدت يمه
هوه هم كَبل حرك
وصلنه بنص الطريق جان يشغل السايق بخيخ
اول ما صارت بارده مرينه بسيطره
نزل الجامات راحت كل البروده
تعدينه طبعا
هاي السيطرات صايره دك ملاطم بالطريق
وره شويه داس للطياره وطفت بينه بالطريق
همه تلاحك وشغلهه
وره شويه وكفنه
صايره هوسه طيارات وحتى حمام وعصافير
طلعو ناصبين عبوه ناسفه بالغيمه
تحركنه وصلنه لمريكا
همه كال السايق الكروه خليهه علينه
لا يمعود كال ماكو عمي رحم الله والديك
ونزلت أجرت تكسي ونزلت يم بيت مايكل جاكسون
نزلت كبل خذتني الغيره قصدي الحركَه
كمت ابجي
همزين وكت اليصبون الغده
كلت وكملت همه هم مشغلين الاغاني مالته بالفاتحه ويلطمون
انوب طلعو عراضه
انه هم طلع العلم مالتي من الجنطه بس علم من علم طوله 3 امتار
واخوي اخوي انكَز وياهم
انوب ظلو يهوسون
تالي اجه المغرب
تعشيت وهم همه مو يعرفوني داروني بالفجل والبن
بس اني حرامات جنت مسوي رجيم بحيث ما كلت بس 4 اماعين ودولكتين لبن
طبعا هاي اني ابجي
لان طلعو مسوين ريوك واني ما لحكت عليه
كمل اليوم الثاني
رحت يم ام مايكل
سولفت وياهه
خطيه كلتلي خاله افروخه 6 كلهم بركَبتي ((**شنو ركَبه لو مجمع سكني((**

همه النسوان واهكات نكر بالبيت وخمط
اني همه لكيت توم كروز وريكاردو ديكابريو
همه ما قصرو ذيج الهوسات .......

وخلص الثاني وطبينه باليوم الثالث
همه اني ساعدتهم
اوزع مي وجكاير
تالي كملت
باليوم الرابع سلمت عله ام مايكل وخواته
ابرونه الذمه وبيه ما بيه رحت للسوكَ شتريت صوغه ورحت للمطار
لكيت الطياره توه تريد اطير
وهمه طلع نفسه السايق الجابني
صعدني يمه
وطلع هوه مبدل دهن للطياره وشغلات ((**انه هم كلبي كام يدك لان عبالي اميرة مملكتي مسويه الطياره حته هسه المحرك كله شالعته هع هع**))
وداس للطياره كام يمشي 140
كتله يمعود لا تموتنه
كال ولا يهمك اني لو ما طسات جان مشيت 180 مقبط الرون
ما اطول السالفه عليكم
وصلنه للبصره
وكبل طلعت وصعدت بستوته
اني وره ساعتين ابغداد هع