يمفتاح الصدگ

يمفتاح الصدگ احچي
ليمته أتظل على السكتات
أخذ مني العمر كله
وخلها صورتك چلمات
أعبر بيه شط الخوف
وأشتلني على النجمات
أطر درب المنايا وياك
وأسوي دنيتي نسمات
تغنيلك صباح الخير
بهمس وبأ ترف النغمات
تريد تعذب المهموم
شبعت من العذاب ألفات
أريدك تجلي كلبي الزنجراه الليل بحچايات
أريدك من تمر بيه
تضوي عيونك ولايات
يمفتاح الصدگ يمته
تفتح باب المرايات
وأشوفك حتى لو بالطيف
وأگولن عايش بجنات
ربيع الروح كله غيوم
سوده وتمطر بدمعات
يبلكي من بعد صبري
يمر بيه الفرح ضحچات
ويبلكي دنيتي تفتح
يمك أجمل الوردات
يمفتاح الصدگ ما ظل
حيل اليحمل الاهات
إذا بابك يظل مسدود
خل گلبي عالجرحه يبات
@@@@@@@@@@@@