مخــــــدوع

مخـــــــدوع
نــــذر گلبي اوجره بساعة الملگــــــــه .....
وطواريك تمر علدليل بلهفه وتحرگـــه ...
وألك صوغه بشرايني كحل ودموع ....
وصبر عطر الورد من يخمد أنفاسه
من عطرك يشع ويضوع
وأزوگ جيدك اليزهي
جوري وليلو من حبك
ودمعات ألوفه صلبه وأبد متموع
وأنت الشاتل اسنيني على دروب التجافي شموع
وأنت الغافي وسط الروح
وألملم غيمي لعيونك
وأمطرلك وفه وأخلاص ألف أسبوع
ولو ضاگ الصبر بيــــه وتفجر عمر صبري
أكتب لافته بحروف هجرانك ....
العشگ ممنوع .... اليحب ممنوع
وحتى لو تحب مخلص تظل مخدوع
تظـــــل مخــــــدوع