تذكير بمساهمة فاتح الموضوع :
هذا واحد من ( جماعتنا ) راح لبرنامج من سيربح المليون
طبعا تعرفون انه الاسئلة بالبداية كلش سهلة وعيب واحد يعلّس بيها
صاحبنا مشى باول سؤال وهو ماهي عاصمة العراق؟ بس فضحنا بالثاني
تعالو شوفو شسوّه عبقرينو
جورج قرداحي : السؤال التاني بميتين ريال هوعصفور باليد ولا عشرة على ............. ؟؟؟؟؟
الشجرة
البقرة
الحجره
السفره
گله لجورج قرداحي :اهووووو بدينه بالصعبات
زين ناخذ رأي الجمهور
طبعا جورج انصدم المسكين
!!!
فكان جواب الجمهمور 100% الجواب الأول الشجرة
اخونا گله لجورج : تره موعلى طول يصدگ الجمهور
فأفضـّل لو نحذف اجابتين اذا متصير زحمة
وتخيلو حالة المگرود جورج
!!!
حذفله إجابتين فبقى الجواب الأول الشجرة والجواب الثاني البقرة.
فگله لجورج :مستفادينه شي لأن بقن الجوابين اللي آني شاكك بيهن
منه فگال اخونه:ماكو غير الاتصال بصديق
اتصل بصديقي حمزة الچايچي
مثل متعرفون بانه جورج يسأل عن وظيفة الصديق
گله جورج :شو بيشتغل صديئك حمزة الچايچي هيدة؟
جاوبه : يبيع لبن
الحاصل .. خابروله الصديق وطلعله حمزة :
الو .. الو ... لك ليش متجاوبون .. ماعدكم خوات ماعدكم بنات
لا يا متستحون ... والله إلا اشتكي عليكم
جورج : طوّل بالك يزلمة شو بك نحنا من الأم بي سي
برنامج من سيشگ هدومه أأأ ئصدي من سيربح المليون
حمزة : هاها العفو .. بالخدمة آني يدلل فهيم ( فهيم اسم صاحبنا .. غير لايگله صلوات )
جورج : معكن تلاتين سانيه لمّا بيبدا الأخ فهيم بالكلام .. تفضل فهيم :
فهيم : ها خويه حمزة شلونك شكو ماكو ؟ گلي خو ماكو تفجيرات هاليوم ؟
سلملي على أمي وگلها مالگيت دشداشة كودري .. ميخالف كشمير ؟؟؟
طوط طوط .. خلصت التلاثين ثانية و مثل مشفتو ... كلشي مفتهم فهيم سوده عليّه
فسأله جورج قرداحي : وهلأ شو بدك تعمل ؟
فجاوب : والله يا استاذ جورج ما اگدر اجازف بصراحة
انسحب احسنلي وآخذ الـ 100ريال مال سؤال الأول
خاف اجاوب ويطلع غلط وهالنوبة تروح الـ 100 همّاتين
وعلى گولت أبوالمثل
عصفور في اليد ولا عشرة على الشجرة
15/12/09, 07:07 am
رسالة sms
