زنجيــل ابوذيه (بقلمي)......

عاشك وبعشكة كلبي يجن
من بعدك بس المصايب يجن
اتحيرت شتخيلك لا انت انس يو جن
محتار شوصف حيرة وبلية


لو انت ملك رب العلى نزلك
وليش بيه القهر وينز الك
اتمنى الفرح مثل الحمام وينزل لك
ويشيل ضيم البيك ويذبة علية

لان الحزن اليصيبك احسة يصيب روحي
وتجيني الفرحة واكلهه ولج روحي
تبجي العين وكول للعين روحي
جروحي مو تزيدين جروحي خطية

لان جروحي يعني جروحة هوه
صرت مخنوك يالجنت الي هوة
ولك تختنك روحي واكولن لو هو
القهر زلمة جان اكلتة بأثنين اديه

حتى ما يجي الكلبك ولا هم
كالولي حجي منبوذ عنك ولا هم
اسمعت أهلك كالو المرض ولاهم
دعيت الباري ميخلي المرضك بقيه

دعيت ربي وكالو تدعي للذي عافاك
وادعي ربي عسى من كل مرض عافاك
بس ارد اسألك الحزن عافك
لو رد ليك القهر والدمعه سويه

من بعدك كرهت روحي وكرهت ناسي
وادعي بالفرح اللي للعشك ناسي
شحال اللي وسط الليــل ناس
شأدعي عليه بالجنه شويه

لان الحزن ميعوفك اذا انت بعيد
اعد الجيتك لحضات والوكت الغيبتك يعيد
صدك اذا ما اعايد اول يوم العيد
والله اطك روحي واطشهه واهليه

واشضي عليك من كلبي ولك دم دم
ودكات حبك تنسمع ابكلبي ولك دمدم
طكت ابوسط الصدر طلقه ولك دم دم
من فركاك احس الطلقه مدفعيه

لن كلبي حنين وعلى كلبك دوم رفرف
يالجنت علم دنياي وابروحي عله ورفرف
صفه حزن فركاك بيه رف رف
ارفوف الحزن بالروح وما فكرت بيه
حبي واحترامي الخالص للجميـــــع

يسلمووووووووووووووووو وعاشت ايدك
دمت لنا

وانت العايشه مشكـــــــــــــــــــــــــــــــــــورة على المرور

تحيتاي الك كلمات حلوة شكرا شكرا شكرا

وااااااااااااااااااو

روووعة ابوذيات رائعة جدا

تحياتي

شكرآ على المرور ان شاء الله المزيــــــــــــد

نفيد ونستفيــد

[ندعوك للتسجيل في المنتدى أو التعريف بنفسك لمعاينة هذه الصورة]

شكرا طائر تحياتي

تسلم طائر الليل وانشاء الله مو حزين


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
يا طائر وتحياتي لقلمك الراقي