ابوذيات عراقية

موضوع: ابوذيات عراقية 16/01/10, 10:30 pm

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

حبيبي شرد اسولفلك...ولكدر
والهموم مبن ماعاين...ولكدر
الي جان وكتي ...ولكدر
وصرت انته والوكت عليه

نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه

هذه الابوذية عن صديق غدر بصديقه
المغدور يقول ...

ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية

الجواب من احد الاصدقاء الخيرين ..

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه

اهداء الى اعز الناس على القلب

زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

موضوع: رد: ابوذيات عراقية 17/01/10, 07:38 am

جميله الابوذبات عاشت الايادي

موضوع: رد: ابوذيات عراقية 17/01/10, 04:06 pm

شكرااااااااااااااااا الك مرورك هو الاجمل

نوووووووورت

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابوذيات عراقية 18/01/10, 01:44 am

تحياتي حمامة مبدعة دائما

.gif.html][ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابوذيات عراقية 25/01/10, 06:07 am

ابوذيات جميلة شكرا الك

موضوع: رد: ابوذيات عراقية 25/01/10, 01:23 pm

تحياتي
ويسلموووووووووووو حلوه حيل

موضوع: رد: ابوذيات عراقية 25/01/10, 06:21 pm

يــــــــــــســــلـــــمــــــــوا

موضوع: رد: ابوذيات عراقية 09/02/10, 09:34 pm

أبوذيات حلوة .

تحياتي أشرف علي ملك الرياضة ...

موضوع: رد: ابوذيات عراقية 09/02/10, 10:13 pm

[ندعوك للتسجيل في المنتدى أو التعريف بنفسك لمعاينة هذه الصورة] ابوذيات راقية وجميلة مثل الكاتبتها

موضوع: رد: ابوذيات عراقية 10/02/10, 05:17 pm

شكرا حمامة بغداد تحياتي ياغالية

موضوع: رد: ابوذيات عراقية 25/02/10, 07:04 pm

ابذيات روعة تحياتي لكي يامبدعه تسلمين يالغاليه [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابوذيات عراقية 22/03/10, 07:48 am

يـ ســـ لـــ مــ و
روووووووووووووووعة

موضوع: رد: ابوذيات عراقية 07/04/10, 07:40 am

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابوذيات عراقية 08/04/10, 02:05 am

[ندعوك للتسجيل في المنتدى أو التعريف بنفسك لمعاينة هذه الصورة]

» ابوذيات عراقية
» ابوذيات عراقية 2010
» ابوذيات عراقية 2010
» ابوذيات رومانسية عراقية روعة.....!!!!
» اثار عراقية