لاني طبعي الوفه .......ضليت خسران

زائر

مشيت سنين بدروب العشك ملجوم
ولان طبعي الوفه ضليت خسران
واقسمت بجروح كلبي ما اضل مهموم
ولا اعيد العشك ولا اضل سهران
عذبني ليل الهوه وجرعني السموم
دمعات والم وبروحي احزان
وافيت... واليوافي بهلزمن مضلوم
ضايع بساعات صافن وحيران
الم الماي بيدي ويضل ملموم
ومن اشربه يصير بلحضه دخان
عطشانه قصتي ومن الحنين تصوم
ادري شلون اكضي العمر عطشان؟؟؟؟؟؟
والفت السهر وصادقت الكمر ونجوم
وغازلت الورد والنهر والخلجان
ودافعت للعشك من كل واحد يلوم
وانصح واكول العشك ايمان
تالي تعوف كلبي خايب ومهزوم
وتجيني بليله وحده تكلي ندمان
مامجبور تندم ولاتضل مصدوم
انت البعتني واضحكت فرحان
جرحك مابره وياذيني لليوم
واذا طاب الجرح ..ذكرني النسيان
تحملت ضلمك وكلت اضل مكتوم
بس مايتاني الصيف بردان
ضميتك بعيني ...دضل بعد مضموم
وخليتك ياترف للنضر سجان
شجاك تخبلت وانت بكلبي مرسوم
ليش اغدرت وسفه اعليك يفلان
جنت تامر واكلك صار معلوم
روحي تريد اخذهه وياك جيران
وسفه اعليك يا اجمل قدر محتوم
ربك يسامح ماضل عندي غفران...
ماضل عندي غفران...

تسلم يا ميلاد على هذا الشعر الرائع
نورتنا بكتاباتك يا مبدع
تحياتي لك يا ميلاد الراقي

[ندعوك للتسجيل في المنتدى أو التعريف بنفسك لمعاينة هذه الصورة]
شكرآ كتابات روعة

شكرا ميلاد شعر جميل

شعر جميل جدا ميلاد ابدعت باختيارك شكرا الك

يسلمو يا عسول

زائر

شكرا لكم جميعا على ردودكم الجميله
تحياتي لكم

زائر

كلمات روعة والله مشكور اخوية

مشكور ميلاد تسلم يغالي

زائر

مشكور محمد الساهر الف تحيه الك
وكذالك مي محمد مشكوره
الف تحيه لكم جميعا

كلام روعه ميلاد تقبل مروري

زائر

شكوره تقى اكيد نورتي الموضوع
تحيـــــــــــــــاتي

» لاني .... احبك
» لاني احبك
» قصة تحشيشية عراقية بس شنو خسران اذا متدخل
» قصة تحشيشية عراقية بس شنو خسران اذا متدخل
» جديد ,,,,,, ماجد المهندس بعنوان انا مشتاق خسران الميحمل