احـــلى افـــلام الـكارتــون

زائر

السلام عليكم

اليوم برامج الاطفال طبعا كل واحد منه جان طفل من جان زغير اكيد جان طفل
ينتظر افلام كارتون خاصتنه الساعه السادسه مساءا جان يطلعون فترة برامج
الاطفال واكيد البابا والماما مالتكم جان يتفرج من وره الباب يستحي يكعد وياكم

اليوم نستذكر احلى افلام الكارتون

[ندعوك للتسجيل في المنتدى أو التعريف بنفسك لمعاينة هذه الصورة]

طبعا عدنان ولينا جان ابوهم شنو هذا عدنان خرب عرضك جان يجلب بالطياره
وهي اطير باصابع رجله طبعا عدنان خرب فلمنه لانه اي ابنيه عمره عشر سنوات
تكول حلمي عدنان يخطبني عمي جان سبع عدنان حتى وره الكارتون طلعت اغنيه وطنيه

تكول اولاد عدنان هله اولاد قحطان هله ارفعوا الاعلام هله
ولينا جانت تخبل شلون دشداشه حمره جانت تلبس من اول حلقه الى اخر حلقه هي بالدشداشه
الحمره اشترتها من سوك الكاظميه

هو عدنان جان يحبها كولش وهي هم تحبه وما اعرف يكولون اتزوجوا بنهايه الكارتون

[ندعوك للتسجيل في المنتدى أو التعريف بنفسك لمعاينة هذه الصورة]

الكارتون الاخر مال كريندايزر والله كرايندايزر جان اخو اخيته جان يحارب وحوش
الفظاء ولا يعرف الطائفيه ولا يكول شيعي ولا سني وجان داسكي يحب الارض
وجانت الوحوش الفظائيه فيكا فيكا بس تغزو اليابان لعد والعراق شنو دوره والله
لو تجي علينه وحوش الفظاء لا انطلعلهم المليشيات تزينهم صفر
خوش زلمه وجانت هيكاروا تحب داسكي وجان كوجي كابوتوا يحب هيكاروا بس ماصارحها
كال من تسجل بمنتديات الحرية العراق ادزلها رساله خاصه اكولها احبج واحس اعرفج من زمان

[ندعوك للتسجيل في المنتدى أو التعريف بنفسك لمعاينة هذه الصورة]

الكارتون الاخر الليدي اوسكار الله شنو من كارتون اوسكار تشتغل بالحرس الوطني مال
ماري انطوانيت بس شنو جانت قويه الشكيمه شنو شكيمه ما اعرف بس سامع بيها شكيمه
هو ابو اوسكار جان يريد ولد بس اجتي ابنيه وسماها اوسكار جانت زوجته خلفتها بس بنات
من الكبر لفها وبالاخير من الشعب الفرنسي سوه ثوره ماري انطوانيت كالت شبيهم اذا فقراء
وماعدهم غذاء خلي ياكلون بسكويت اي مثل المالكي كال اذا ماكو امن واستقرار خلي يروحون
الى سوريا هم خطيه سوريا راح تسوي طابق ثاني بسوريا يكفي العراقين هناك

وبعد هواي كارتون حلو

سندباد
الغواصه الزرقاء
توم سوير
فارس الفظاء
ساندي بل
كاليميرو خو هذا سرسري كاليميرو مخلة كتكوتة اذا مصجمها

</BLOCKQUOTE>

زائر

اله اريد عدنان ولينا وكالميرووووووووووووووووووووو

بس اهم شي يطلع عبسي هع هع هع هع

الله رجعتنة لايام الطفولة

والله اني احب

مارووكو وكاليميرو
كلش حلوات

وشكراااا الك حمودي

زائر

كالميرو دائما اذكر كوران بي هعهعهعهعع

زائر

حمامة يمعودة بعدج صغيرة شنو ذكرتنة ايام الطفولة

الله اموت على هل كرتونات

شكرا على الموضوع

تحياتي

الله يسلموووووووووووو
محمد تحياتي

زائر

تدللون والكارتون هم يموت ععليكم