ابـوذيـات

موضوع: ابـوذيـات 06/02/10, 08:46 am

بـيـاضـك يـا حـلـو صاير .... وفر بيك
مثـل محبس صرت بيدي .... وفر بيك
ابـوكــك من حـضـن امـك .... وفر بيك
وأروحن بيك لأطراف الوطيه

حبيبي شزعلك مني .... و راضيك
بعيد و مهاجر ديارك .... و أراضيك
تعال او هين اعتابك .... و راضيك
وانطيك حته هدومي العليه

مــن هـجـرك بـقـه الـدلال .... بس تك
لاتـلـعـب عـلـه الـحـبـلـيـن .... بس تك
امس بالطيف مدري منين .... بس تك
لأن كلك حلو و تاهت عليه

يـامـن فــاركـت شــمـلـي .... و شملاك
سمعنا و الحجي يخـصـك .... و شملاك
اذا غـيـري وصــل خـدك .... و شم لاك
حرام يبوس خد الجان اليه

الـدمـع ظـل يـفـرك بـخـدي .... ودلك
مشيـت ويـاي ما تـدري .... ودي الك
يـاهــو الــجـابـك الـكــلــبــي .... دلاك
تهت بس روحي دور عليه

حـبـك بالـضـلـع بـسـمـار .... من دك
واحس كلبي يسولف بيك .... من دك
كمت اركض عله النـقـال .... من دك
لأن ادري العزيز اتصل بيه

تـراجي من الذهب لابس .... و ساعه
قميصه من الخصر ما بي .... و ساعه
يــنــام الــمــدلــل ســاعـــه .... و ساعه
يفز مرعوب ريته بين اديه

آنه تهت ما بين سكتنه .... وسكته
الهجـرني بـظـيـم رجعته .... وسكته
العمر خلصته بس نظره .... وسكته
سكتت و ردت عيونك عليه

يـهــمــك عـلـى كـلـبــي .... سطره سطره
و همومي اكتب عليهن .... سطره سطره
ردف وكتي اعـله خـدي .... سطره سطره
بصدى حبك كمت ما شيل اديه

الدهر بجفاك طشرني .... و لمني
عـلـيـك الكـلب عـاتبني .... و آلمني
غــيــابــك حــيــل اذاني .... و آلمني
يظل حبك اثر مطبوع بيه

شفت بالطيف شخصك .... سالماني
بـجـيـت او دمع عـيـني .... سال مني
عـلـي تــسـأل يـغـالـي .... سالم اني
عدل بس شوفتك شحت عليه

الوفه يـبـقه طـبـعـنه .... ماني رائي
همومي اشرى منك .... ماني رائي
نــخــيـط الـعـيـن والله .... و ما نرى
اي بشر وحك رب البريه

امير انت و مضيفك دوم .... ينضاف
وكـلبي من الالم ما يوم .... ينضف
كـون الـعـمر فوك العمر .... ينضاف
لشيلن عمري الك و انطي هديه

يا حلو لطباع وصلني .... و قارب
ما عندي اهل غـيرك .... و اقارب
سفينه بـالبحر ردتك .... و قارب
تشيل الحمل من يثكل عليه

موضوع: رد: ابـوذيـات 06/02/10, 08:55 am

يسلمووو عل ابو ذيات جميله وروعه تحياتي الك تقبل مروري

موضوع: رد: ابـوذيـات 06/02/10, 04:52 pm

أبوذيات جميلة .

تحياتي أشرف علي ملك الرياضة ...

موضوع: رد: ابـوذيـات 06/02/10, 04:53 pm

أبوذيات جميلة .

تحياتي أشرف علي ملك الرياضة ...

موضوع: رد: ابـوذيـات 06/02/10, 04:59 pm

يسلمووووووووووووووا حلوووووووين

موضوع: رد: ابـوذيـات 06/02/10, 09:04 pm

يسلــــــــــــــــو
علـــــــــــــــــى
هـــــــــــــــذه
الابوذيــــــــــات

تحياتـــــــــــــي
ديلـــــــــــــــــــو

موضوع: رد: ابـوذيـات 06/02/10, 09:18 pm

يدللوووووو
يا ورود
منورين الموضوع بوجودكم

تحياتي

موضوع: رد: ابـوذيـات 06/02/10, 09:29 pm

احلى ابوذيات
وتسلمووووووووووون على الذوق

موضوع: رد: ابـوذيـات 06/02/10, 11:07 pm

مشكورررررر
ابوذيات روعه مشكور على المجهود الرائع تقبل مروري
تاجر محبه

موضوع: رد: ابـوذيـات 07/02/10, 05:58 am

يسلمووووووو
و اشكركم عالمرور

تحياتي

موضوع: رد: ابـوذيـات 07/02/10, 09:46 pm

شكرا مللك

موضوع: رد: ابـوذيـات 08/02/10, 01:25 am

يدللوووو
منور الموضوع و شكرا ع المرور

تحياتي