المرأة العراقية
البنيه متجوز من العاده المزمنه ان تحط كحل عبالك دب الباندا والشفايف مخططه بقلم حمره غامق عبالك حفله هالوين
اذا البنيه تلبس بنطرون حصر لازم وياه بوت صيف شتا
لازم تمر البنيه العراقيه بمرحله صبغ الشعر اصفر وتطلع مخازي وتترزل وترجع لأصلها
العراقيات الوحيدات اللي يروحن للأعراس بتنوره او بنطرون جينز علساس بره غير العراق
من جمله المظاهر ان تكون وحده بالجم ولابسه طخم ذهب 21 ومتمكيجه وتركض على التريد مل وتزخ عرك , من الطبيعي جدا تكون عراقيه وبالنسبه لنفس هاي العراقيه ممكن يجيها تلفون وهيه دتلعب رياضه وترد عليه وتكوم تعيط حتى رجلها المكرود ينتبه عالتمن وميحترك
عادي جدا تكون انت سرسري وادبسز بعين نص البنات العراقيات الوياك بالمدينه وانت متدري ومتعرف ليش
الرجل العراقي والعائلة العراقية:
اي عراقي جاي جديد تسأله من وين من بغداد يكولك المنصور
تشوفه ماشي من بعيد وسبحه بأيده وعاكد أيده ليوره
كل العراقيين الجدد بره يحجون لو سوري لو فلسطيني ويه العرب مع بعض الفيكات بالاجنبي وخصوصا البنات
بالحفلات-العراقيه تنعرف الوجوه الجديده كاعده وساكته ومحترمه نفسها , ثاني سنه بنفس الحفله الردح للستار يصير
من الوارد جدا ان يجيك واحد بحفله عراقيه يكوللك لاتباوع على فلانه هاي بت خالتي وهيه وحده مالهه علاقه ضاربته بوري وهوه بعده مجلب. عاد هاي تصير ويه الجايين الجدد
اذا اجه شاب جديد عالبلد وتعرف على كومه بنات عراقيات وانتو شلة شباب صارلكم من عصر الجاهليه ومكدرتوا تحجون وياهم. ينحقد عالولد والا تكتلوا يالله ترتاحون
الكل معلك خريطه العراق على صدره ومن تسأله البنيه انت منين يكوللهه ايطالي وامي اسبانيه بس احجي عربي
الوحيد اللي يتذمر بالمطاعم من كلشي على اساس السيرفس بالعراق جان عالثانيه
ميستوعب فكره البخشيش وبعتبر نفسه انزوج اذا دفع
اذا وحده اجنبيه ضحكت وياه يعني حبته وبلزكلهه ويصيرلها مطي اما اذا عراقيه حجت وياه فهي مو خوش بنيه
اول ميحجي ويه جماعته بالعراق يكوم يهمبل ويفيل انه حايد نص بنات المنطقه وتلكاه يكرب الاسبوع كله حتى يطلع صاحبته
اذا مشى ويه مرته بالمول تسمع حسها تعامل البياع من الباركينك مال السيارات
التفياك بالاجنبي بين الاب وابنه بالشارع عادي كلش
اذا صارت عركه ويه عراقي لازم الكل يجيت حتى لو الثاني غلطان وخصوصا في حضور العراقيات
الكل يحجي عن الخير اللي جان عايش بيه قبل مايوصل هنا "لعد شكو ذبحت روحك وجيت هنا لعد"؟
اذا جنت مواليد الخارج او صارلك فتره بالخارج فانت كيكي بعين اللي جايين من العراق ومشايف ضيم
اول متسجل بمدرسه لغات يتحول اسمك بقدره قادر من محمد ,جاسم, حيدر, عمر الىSam, Mike, Ben
اول ماتفوت بمحل تدور على بنطرون حصر وعريض من جوه لمن يكولولك هاي الفيكه مال جماعه سعدي الحلي تحول بنطرون عريض وبنعال وتي شيرت طويل مكتوب عليه فشار وانت متعرف وزناجيل وسوارات
اول كلمه يتعلمها هيه الفشار وهوه اسمه ميعرف يكتبه
احصائيه 1 من كل 4 عراقيين طلعوا للخارج زرفوا وحطوا تراجي لفتره من الزمن
مع العلم انهو موده بنطرون ابوالكسرات انقرضت بس تظل معلم من معالم الشاب العراقي
باعتبار انو الاخ بالخارج فكلش منظر مألوف ان بليلة نزوله من الطياره يطلع يتمشى بدشداشه تخيل واستلم مناظر خلابه ويستمر على هالحاله الى ان واحد يكوله يمعود لباسك يبين عود يغير يصير يلبس شورت عليه فراشات وتشيرت بدون ردن وكاسكيته ونظارات شمسيه بالليل
اذا واحد عراقي انطاه نصيحه بالشارع يضوج ويتعارك اما اذا واحد اجنبي رزله على نفس السالفه فينجب ويحترم نفسه مثل الأرنب
لمن الاخ يفوت محل ملابس لازم يفتهم بكل شي والا يقنع البايع انه بضاعته صينيه ولازم يرخصله وانه قبل جم يوم اشتره نفس الشغله من الاردن بربع السعر
اول شي يطلعه الشرطي من الجنطه مال العراقي الجديد جيس باميه يابسه . محد يعرف سر رفض العراقيين فكرة انه اكو باميه بغير دول واسمها طبعا ocra
في المرقص او البار والعلاقة مع الاجنبيات
الكل يركص بس الشباب العراقي مسطر عالبار بايده بطل بيره
عادي كلش ان يسكر ببطلين بيره ويسوي عركه علمود واحد باوع بخلفته
يروح للديسكو فاتح قميصه للنص ومطلع شعر صدره عبالك حديقه
الشوارب تنجلط بنفس يوم الدخول للبلد الجديد تماشيا مع القوانين والاعراف الجديده
مع تقنيات العلم الحديث والتطور الديصير لازم الحفافه تاخذ مكانهه بالموضوع , الشاب العراقي لازم ياخذ حواجبه , مو علمود شي بس تحت شعار " بقت على هاي" ؟
أول سنه يوصل يتعرف عليك وكلشي تمام , ثاني سنه تلكاه ماشي بالشارع ويه وحده اجنبيه بكد الفيل بس من يشوفك ميسلم عليك ليش مادري
كل شاب عراقي لازم عنده تجربه انو صاير زلمه وضارب صاحبته وصايحه عليه الشرطه
من الطبيعي جدا ان تشوف سياره سبورت بالصيف وحسام الرسام للسكف وبس تمر من مجموعه بنات يكلب اسباني
اذا تشوفه لازم بوحده حضن وبوس بحديقه عامه ولابس بنطرون قماش وحذاء رياضه , اعرف الاخ من ذاك الصوب تسأله شنو اول شي تريد تسويه بهالبلد؟ يكولك اصادق وحده شكرة
العراقي من الاجنبيه تطبخله معلبات يظل ياكل ويكول اللللله عاشت ايدج بس من العراقيه تقضي يوم كامل تطبخله يظل
يمشي و يدردم هو هذا اكل هو هذا اكل
رسالة sms
09/02/10, 12:00 am