السلام عليكم ورحمة الله
قصيدة اليوم تتكلم عن شخص قال في حقه رسول الله (صلى)
ارحمو عزيز قومً ذل هذا الشخص صادفني قبل يومين با الكرادة
كنت معى ولد اصدقاء هوه طبعن هذا الشخص الي اتكلم عليه سائل يعني با العامية يطلب من الناس المادة فه اكو بنات هوه طلب من عدهن اكو ابنية اتكلمت وياه او طلبت من عندة يشتغل افضل من ما يطلب من الناس بس اشلون يشتغل اذا هوه فاقد ساق من ساقيه علعموم اني كنت شاهد عيان حسيت بيه انجرح من كلام هاي البنت والصراحة الي نضرة با الانسان اذا كان كذاب اعرف بس انضر بعيونة اعرف شنو هذا الشخص او شنو ايريد اتكلمت وياه وتضحلي هوه أنسان ابن ناس محترمين بس الوكت وصلة الهاي المرحلة اتعرفت علية او جلسنة اني وياه وتكلمنة عرفت من خلال كلامة انو هوه اخ الاشخاص اني اعرف شخصين يعني امكانيتهم لابئس بيها بس اخوانة احتالو على املاكة السبب لان انسان صاحب قلب طيب اكتشفت من خلال كلامي وياه هوه عندة 7 بنات او ما يملك ولد ايساعدة على هاي الحياة او اكثر شي لفت انتباهي من يطلب ما يطلب ابذل لا يطلب ابعزت نفس علعموم اكو جملة اله هوه ايكولهه من يطلب ايكول ساعدوني الخاطر الله اني على ضوء هذا الشي كتبت هاي القصيدة الي خلي نسمع معانات هذا الشيخ الكبير با السن والي با الحقيقة اني شخصين ابكاني والهذا السبب اصيرت اكتب قصيدة ابحقة أسف لان طولت عليكم با الكلام خلي نسمع او بعدين نحكم
بقلم احد الاصدقاء
*********************************
ساعدوني الخاطر الله
ضعيف انه او مريض او عندي كوم اعيال
وبن امي وبوي ابشدتي اتخله
جنت انه عزيز او علم فوك الروس
هسه اهمومي سبحه او بيهن اتسله
شصير انه حديد او شصبر اجندوب
وظل اوياي وكتي ايدور الزله
جنت كلمة ابمظيف او تنسمع بل حال
هسه الجان يخدم فوكي يتعله
جنت مثل العنب متعلي فوك الهام
ليش امننكطع ما شالته السله
حسافه او من طحت كل ربعي يتفرجون
لو فنجان طايح تفزع الدله
لو فنجان طايح تفزع الدله
**********************************
رسالة sms
12/02/10, 06:08 pm
