قصيدة مكتوبه عن قصة حقيقية

موضوع: قصيدة مكتوبه عن قصة حقيقية 12/02/10, 06:16 pm

*مقدمة*
أحب اوضح كل شاعر من أيريد يكتب قصيدة
ما يكتب من خيالة او يكتب شي مر على باله
لا يكتب شي عاشة يكتب شي صادفه ابحياتة علعموم ما راح اطيل عليكم عندي ولد صديق
كان ايحب ابنية او حبه اتعده كل المقايس انطاهه
حب او حنان او عاطفة او اخلاص او فاء او كل شي لاكن هاي البنية ما وفة وياه او جازته با الغدر او نكران الجميل خلي نسمع او بعدين نحكم
كتبـــــــــــت
بقلم احد الاصدقاء
*************************
غفيني ابمحبتك بلكي روحي أتنام
حيل ابشوك ضمني او لا تصحيني
أخذني اهناك يمك ما أريد الناس
ميت شوك بيك او لهفه تدريني
عمر لجلك خلص بل أه والياويل
يا قدري او نبظ كلبي اوشرايني
يا العشتك أرق ما يوم بالي ارتاح
ولا لحظة ابغيابك غمضت عيني
مرات ابكلامك تجرح انته اهواي
او على اتفه سبب تقصد تبجيني
داينتك عمر ودكلي مطلوب
أنه المطلوبلك جيت افك ديني

ألك يامه بجيت او رخصت دمعات
ليش ابنار هجرك ناوي تجويني
كفاني اجروح منك كافي صحت الويل
طعناتك ئسف لليوم تاذيني
بعد صبري خلص والحيل ما بي حيل
والبيه هموم اهواي تكفيني
ألك كلمة ابداخلي اسمعني اترجاك
أريد احجي ابصراحة اوياك خليني
راح انسى غرامك ونسى كلشي اوياك
ونته ارجوك تنسى البينك او بيني
او لدكلي المحبه او لدكلي حبنه الجان
بعد ما بيه احبك ئاسف اعفيني *
بعد ما بيه احبك ئاسف اعفيني *
****************