قصيدة روعة للشاعر المبدع عريان السيد خلف أئمل ان تنال اعجابكم

نذر ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
.......
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من دايه
يبو الشط التعيش اوياك ..
قصته .. طينته .. اومايه
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره [ندعوك للتسجيل في المنتدى أو التعريف بنفسك لمعاينة هذه الصورة]

عودتنا على تميزك فدمت مميزا دوما بأسلوبك الراقي وطرحك الرائع
تقبل مروري . . . والله يوفقك

شكرا يا غالي

طبعاً اتقبل مرورج قابل عداوه هههه
شكراً على المرور ياغاليه تحياتي الج

[ندعوك للتسجيل في المنتدى أو التعريف بنفسك لمعاينة هذه الصورة]

شكراً على المرور حبي يوسف القيسي

[ندعوك للتسجيل في المنتدى أو التعريف بنفسك لمعاينة هذه الصورة]

يسلمو سوات كلام حلو
دمت ودامت ابداعاتك
وبأنتظار المزيد من التالق
تحيتي
ديانا

» قصيدة للشاعر الكبير عريان السيد خلف
» قصيده للشاعر عريان السيد خلف
» وهذه رائعه من روائع المبدع عريان السيد خلف انشاله تعجبكم
» قصيده روعة ومعاني اروع للشاعر المبدع نائل مظفر
» اليوم جبتلكم قصيدة أسمهه ألحب الاول للشاعر المبدع نائل مظفر عندي بالموبايل سمعتهه وعجبتني اتمنى تعجبكم