بعد مابيه اسامح واقبل اعذار بقلم سفيرة الشعر

الشعر

بعد مابيه اسامح واقبل اعذار
ولا اكدر بعد اضحك واجامل
جم دوب الصبر وليمته اضلن
زرع لحلوك شفرات المناجل
فلاحي انهظم من شاف عالكاع
رجل احبابه داست عالسنابل
العنف ماله ذنب ذنب القوانين
بيه انكتبت بروح التساهل

يسمعوني هجاء بليلة العيد
وانا بعاشور اواسيهم واغازل
على محمل حسن شايلهم سنين
كضت بذنوبهم كل المحامل
قطار الصبر بيه اشكد محطات
وياهم جزه وماكتله نازل
وهم اول محطه وريلهم صاح
هذا وياك حدي هنانه عاطل

الجذب منهم عرفته وصرت وياه
على عناد الصدك ضليت اماطل
باطلهم لبسته وكلت للناس
حك همه وصحت كلي انه باطل
اواسيهم دمع من عين الافراح
وبحزني اجوا صفكه وهلاهل
نسوا حبيتهم من دون البيوت
واسف حبهم توزع عالمنازل
اكص ايدي بعد لو اكتب اشعار
ولا ترسم بعد الهم انامل

اعاملهم جنت بالرقه واحساس
بصلافه وياي ردوه التعامل
صرت خيط بايديهم حتى يرضون
فروني بشكل فر المغازل
شجره انه اصبحت مابيهه اوراق
على الاغصان شيردهه البلابل
مااكدر اردن ضربة اعداي
وانا سيفي انثلم جم دوب اقاتل

اهتم لفرحهم واعلك شموع
واسف ينسون عيدي بكل تجاهل
بلياليهم شعلت الروح للشوف
بظلام عناد طفوهه المشاعل
بستات اكتبت الهم واغاني
وكتبولي نعي ومواله نايل
طبع ميزان طبعي ودوم اشيلن
ثكلهم وارفض احسان المقابل

قبلت بنزف جرحي والمه قابل
ونسيت اكبالي شامت والمقابل
طبع ميزان اشيلن والمقابل
هموم ثكال شايلهن عليه

سفير الشعر كلمات غاية في الروعه

سلمت اناملك يا صاحب الذوق الرفيع

تقبل مروري

اسف تمم تكرار الرد بسبب الشبكة

ارجو من المراقب حذف وابقاء واحدة فقط

تحياتي

يسلمو ام مريم عاشت الايادي
كلام روعة
ننتضر المزيد
تقبلي مروري
تحـــــــــــــــــــــــــــــياتـــــــــــ

ـــــــــــــي

احلى تحيه للسفيره ام مريم

تحياتييييييييييييييييي لكي

مبدعة ام مريم الوردة

[ندعوك للتسجيل في المنتدى أو التعريف بنفسك لمعاينة هذه الصورة]

قصيده رائعه
عاش قلمك يا مبدعه
تحياتي

لكل من دخل على المشاركه اقوووووووووووووووووووووووول اشكر مروركم وتواجدكم ياغالين ولكم مني كل الود

عاشت الايادي ام مريم تسلم الكلمات الجميلة

شكرا ام مريم الغالية عاشت ايدج

مرسي كلمات روعه
[ندعوك للتسجيل في المنتدى أو التعريف بنفسك لمعاينة هذه الصورة]

يسلمو سفيرة كلام رائع
تقبلي مروري المتواضع
ديانا

» ردت انساك نص غنائي بقلم سفيرة الشعر
» بطاقة حب لجلسة سمر بقلم سفيرة الشعر
» ابوذيه لبغداد بقلم سفيرة الشعر
» يدنيه ارجوج بقلم سفيرة الشعر ام مريم
» ابوذية حب لجلسة سمروالمنتدى بقلم سفيرة الشعر