ماردت ازعلك

[ندعوك للتسجيل في المنتدى أو التعريف بنفسك لمعاينة هذه الصورة]

خفت ماردت ازعلك من نويت تروح

يمك مابجيت الدمع كضيتة
رسم حطيتلك بسمه بثواني وداع

لا مو بسمة هاي الجرح حطيتة

انه مابين بسمه ودمعه ضكت الموت

من كتلك تروح الطعم حسيتة
ولان ساعتهه احس الدمع شي ممنوع

اظن من ما وراك الدمع حبييته

جنت مامنتبهلي البسمه جانت زور

انه يوسط روحي الصخر بجيته

لان مارتك تحس بالدمع مجبور

عن صوت الجروح الدمع غضيتة

حولت الدمع يمك لنظرة شوك

وحولت المناشغ ضحك سويتة

من ساعتهه ذيج وماحجيت الصار

بس يمكن بدمعي الخبر طشيتة

******************************

صحيح الزعل يحرم شوف الاحباب
بس كلبي انت منة وهوة منك

من سالوني ما كلتلهم منين
قسم احلى الكلام حجيت عنك

رجعتلك دمع وهاي العيون
عساهن بالعمى ماوادعنك

جروحي بداخلي بس اني اهم بيك
واني ادري بجروحك يوجعنك

الناقلك حجي ماناصح وياك
ولا خايف من الله الهمس باذنك

تلكاني يمحبوبي بالاحضان
وعني الوجة الاسمر لاتديرة

بلياك اني طير وجنحي مكسور
وبدونك فرحة العاذل جبيرة

ترة عيونك بدوني تفارك الشوك
وبدوني تعيش كل عمرك بحيرة

تلكاني حبيبي وخذني بيدك
ولا تسمع حجي البايع ضميرة

بعد ما بية حيل اني ازعل وياك
ودخيلك هاي زعلتنا الاخيرة