تانيتك عمـــر

تانيتك عمر يمك ردت ارتاح
لكيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيضني وأحجي الحجي المضموم
وتكول الناس عني مسودن يهذري

أذا تدري بعذابي وتدري اللي صار
لا تسأل عليه شباقي من صبري
خلصت العمر مابين جويه واه
ومكالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
يالرايد حجينه يضل جزر للدوم
وانت المد يفيدك ينمحي المقري
لان انت جرف وانه عليك الماي
اطلع عيوب جرفك لو كثر جزري
حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري
التفت شاف الخناجر تطعن بظهري

أذا تدري بعذابي وتدري اللي صار
لا تسأل عليه شباقي من صبري
خلصت العمر مابين جويه واه
ومكالب بروحي وناركم حدري
رررررررررررررررررررروعة
يسلموووووووووووووووووو للكلام الراقي

جميل ما ابدعت يا محمود خالد
وتحياتي الك
الكلمات روعه

حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري

الله والله قصيدة تخبل عاشت الايادي
[ندعوك للتسجيل في المنتدى أو التعريف بنفسك لمعاينة هذه الصورة]

شكرا محمود

شكرااااا ياصديقي محمود هذه القصيده للشهيد رحيم المالكي تسلم علنقل المميز