كلبك لكلبي اشتغل ولغير كلبي عطل
مرافكني دومة بقة لااتأخر ولا عطل
وداعيك من رافكك بطل اشغالة وعطل
ربك اراد وقسم كلبين بالحب جمع
ومعروف انته حلو والناس حولك جمع
ومادام انت وانه نلتقي بس بال جمع
اتمنه هذا العمر ايامه كلها عطل
يامن عفتني ورحت هذا الكلب ياهله
عذبني ابنكم ترة وجيت اشتكي ياهلة
اكبل علي من بعد كمت وصحت ياهلة
حسبالي كاصد علي حتى لسلامي مرد
ونظراته الية صفت بكليبي مردن مرد
ما دام ولفي مشة ولليوم راح ومرد
ومن دون كل الخلك طحت بعشك ياهلة
* & * & * & *
ياكلبي ولك جم دوب منهم اظل ساحلك
وبخلكي تلعب لعب والظن صفه ساحلك
والجفن وي الدمع فوك الوجن ساحلك
عذبني بايدك باشد لاتظن اكولن هوة
وحمل دليلي ذنب لان حب وهوة
جيتك سفينة ابحر تعبني روج وهوة
ولمن وصلت الجرف نار انكلب ساحلك
&*&*&*&&*&**&*&***&&&**&&*&*&*&***&&&****&*&*&**&& ****
تحياتي الكم