حيدرالعتابي999
 رسالة sms : ما زلت ابحث عن التي احلم بها
ولكن لااعرف ان كنت سأجدها في هذا الكون الكاذب
عدد المساهمات : 1791
العمر : 29
المهنة : 
الهواية : 
اعلام الدول : 
النقاط : 2409
تاريخ التسجيل : 20/06/2009
 | موضوع: حياتي مع جلســــــــــــــــة سمـــــــــــــــــــــــر  21/02/10, 01:40 am | |
| تذكير بمساهمة فاتح الموضوع :السلام عليكم
شونكم حبايب ان شاء الله كلكم بخير
اليوم حبيت احجي عن حياتي وية جلسة سمر
طبعا اول مرة سمعت بيهة البرنامج جانت قبل سنتين صدفة فتحت راديو لأن اني مو من طبيعتي اسمع راديو بس بوكتهة جانت طافية الكهرباء والدنيا صيف ونايم فوك السطح
المهم تعرفون انتوا ايام الصيف بالعراق شلونهة فماكو غير الراديو فسمعت البرنامج طبعا اول مسمعت البرنامج سمعت 4يحجون اني بقيت صافن عبالي 4مقدمين يقدمون البرنامج
بس جان استاذ زمن يفتح 4خطوط بنفس الوقت فاول صوت سمعتة صوت عمار خميس وارثر وايسر العبيدي وسمعت بوكتهة هواي اصوات بس ما اتذكرهم
المهم بقيت اسمع البرنامج شهر تقريبا بس متقطع يعني مامستمر مثل هسة وراهة بدأ الدوام واشتريت تليفون مابي راديو بانقطعت عن البرنامج تقريبا سنة كاملة
ورة هاي السنة رجعت فتحت راديو فأتذكرت انه اني جنت اسمع برنامج كلش حلوو بس بوكتهة جنت ناسي اسم البرنامج واسم الاذاعة الي يبدي عليهة البرنامج بس اتذكر انه الوقت بليل
(فشغلت الراديو وبقيت ادور بالاذاعات لحد ما سمعت صوت استاذ زمن المميز ولو اني جنت ناسي حتة اسم المقدم(تدرون سنة كاملة مو قليلة واني ما جنت مستمع مستمر
فوراهة سمعت اسم البرنامج واتذكرتة وعرفت انه هو هذا البرنامج الي جنت اتابعة قبل سنة وهذا اليوم جان قبل11شهر تقريبا ومن ورة هذا اليوم ماتركت برنامج جلسة سمر ابدا
وبقيت مستمر وية البرنامج المهم ورة اسبوع تقريبا بديت ارسل مسجات لأن بذاك الوقت جان استاذ زمن يسمح بارسال المسجات يوميا وممكن تشارك بالموضوع من خلال المسجات
فجنت اشارك بس من خلال المسجات ورة فترة تقريبا شهرين او 3اشهر اتصلت اول مرة فرفع استاذ زمن الخط وكال الو منو وياي وجان صوت استاذ زمن يختلف بالتليفون عن الراديو
فأني عبالي هذا واحد من الارضي ديحجي وياي فكلت منو وياي فاستاذ زمن كلي وياك احمد محمد خخخخخخخخخخ
فعرفت انه هذا استاذ زمن ويمكن بوكتهة بس سلمت وطفرت لأن ما اعرف شحجي
وراهة بفترة سوة حيدر الزبيدي المنتدى واستاذ زمن فرح كولش بالفكرة وبوكتهة سوة حلقة كاملة عن المنتدى حتة كل واحد ينطي رائيه بهاي الفكرة واني هم خابرت ورحبت بالفكرة وطلبت رابط المنتدى
بس رفض استاذ زمن وكال خلي يترتب المنتدى ونذيع الرابط عالهواء
اني طبعا ما اقتنعت ورحت ادور بالنت ومابقيت مكان ما دورت بي لأن بوكتهة جان المنتدى زغير ولمن تبحث عنة بالكوكل ميطلع
(وصدفة لكيته بدليل المنتديات المجانية المهم ما صدكت كبل جيتت عالمنتدى(مشايف
(وسجلت 3مرات هاع هاع هاع (ادري شبع بس جنت بوكتهة عبالي لمن تسجل كبل تتفعل العضوية وكلما اسجل اريد ادخل بس ميدخل
المهم طلعت روحي وبليل خابرت عالبرنامج جان استاذ زمن كلي انت الي مسجل 3مرات واللع كلي فعلت عضويتك ومسحت اسمين وبقيتلك بس واحد تشارك بي
ثاني يوم من الغبشة بعدني ما متريك دخلت للمنتدى حتة اشارك طبعا اني جنت كلشي ما اعرف كلت خلي اكتب ابوذية وما عرفت وين انزلهة نزلتهة بالاقسام الرياضية
هع هع هع هع هع هع
بوكتهة رادوا يشمروني من السطح وجانوا اعضاء المنتدى ميتجاوزون 60عضو ومرات جنت ادخل الكي ولا عضو متواجد بالمنتدى
وشوية شوية كبر المنتدى واني هم صرت توب بالمنتديات وصرت مشرف وصارت اكو مواضيع وتنافس بين الاعضاء والمنتدى ضل يكبر ويصير احلى واحلى بوجود الاعضاء الحلويين
وان شاء الله يستمر بهذا النجاح
واني طولت عليكم صارلي ساعة اكتب بس شسوي اخذني الواهس بالكتابة لأن شكد ما اعبر عن هذا المنتدى اكيد قليل
لأن اني لمن ادخل للمنتدى عبالك داخل لفرعنة خخخخخ لأن احس كلهم اصدقائي واهلي واقضي احلى اوقاتي وياكم
وبالاخير اكول والله تعبت صارلي نص ساعة اكتب وحرام عليك متكتب رد
حتى لو بس كلمة شكرا اكيد راح تنور الموضوع
تحياتي
المحب دوما وليس يوما
حيدرالعتابي
......................................................................................................
عدل سابقا من قبل حيدرالعتابي999 في 21/02/10, 01:48 am عدل 1 مرات (السبب : تكبير الخط) | |
|
