إن شاء الله تعجبكم ..... يا رب
"
"
ذبحني غلاك وجيت ساري مع الاسحار
على طيف حلم ِ يدفعه شوق تحنانك
سريتك غلا في ليلة ِ حلمها ما صار
وانا قبل لا احلم فيك ما حل نسيانك
ذكرتك بعد ما مر طيفك على زوار
وفزيت لك والطيف ما بان برهانك
واثرني بحلم ولا تعديت حوش الدار
وانا خايف في الحلم من كل جيرانك
سريتك بليلة حلم ما تفضح الاسرار
وعبرت البحور ودافع الشوق فقدانك
وانا لااجل عينك حدني يمك المشوار
ومريت بيتك يوم قفت بك ازماانك
حدتني على الجيه سنين مضت واذكار
وحارت قدم رجلي على اعتاب بيبانك
على الذكريات الماضيه يوم كنا صغار
عيوني بضيق بدمعها ساحة اوطانك
تذكرت ماضيناا قبل لا نصير كبار
وقبل لا تموت احلام طيرك على اغصانك
وقبل نفترق في ظرف ساعة زمن غدار
بلحظة وداع هلت دموعها اعيانك
وبعد فقت من ليل ِ جلت ظلمته مظهار
من الشرق شمس ِ تعلن فراق خلانك
عرفتك يا حلم ِ قد سريتك مع الاسحار
وضاعت بي احلامي بعد ضاع عنوانك
رجعت الفراش وصرت في موقفي محتار
بعد زارني طيفك ولا بان برهانك
شعر: " صبرك يا قلبي "
رسالة sms
24/02/10, 07:34 pm
