ما شاء الله الكهرباء اربعه و عشرين ساعه موجوده و حتى متحتاج تشترك بمولدة بس شسوي احنه مبذروين اخ من عدنه ليش الوطنيه هم تطفه ابدا حتى رمشة مترمش
الواقع : والله الكهرباء مشكلة العراق الاولى يعني تطفه خمس ساعات و تجي نص ساعه او عشر دقايق يعني بس تيست للاجهزة المنزلية و ابو المولد يجذب براسك وتعال نشوف افلام اهل المولدات بالعراق
جدول التشغيل لأول 10 ايام من الشهر من الساعه الثالثه ضهرا الى الخامسة علمود ينطيك مجال تنام هيه المبردة متشتغل تروح عليه يكلك شاعل هوايه شسوي ارجع و اسكت من الساعه التاسعه لحد الساعه الواحدة و النص هايه شويه علمود تتونس ويه اهلك بعدك مشاعل التلفزيون تطفر الجوزة تروح عليه يكلك هايه جوزتك صينيه جيب غيره و انته متقدر تروح تشتري وحده دنيه ليل بالتسعه تروح تدور من الجيران ينطوك وحده و على متلقه هسه صايره بالوحده
جدول التشغيل للجزء الاوسط من الشهر يعني من يوم 10-20 هايه الفتره اقره عليها السلام لان اصلن ميشغل ويكلك قايم محرك تحتاج تبديل
جدول التشغيل لاخر عشرة ايام في الشهر طبعا صحيح هيه عشرة ايام الاخيرة بس يشغلون منها اخير يومين يعني يوم 29 و 30 تعرفون ليش علمود الدفع يوم واحد من الشهر الجاي
وهايه هيه القصه من بدايتها الى نهايتها
عمار المهندس
عدد المساهمات : 1642 العمر : 38 المهنة : الهواية : اعلام الدول : النقاط : 1859 تاريخ التسجيل : 30/05/2009
24/07/09, 10:53 pm
