الى الاعضاء كافه وخاصتاً حسن عاشق كرستيانو

شكرا يا سارة على التنبيه هذا والاجراء الذي اتخذتيه وانا اؤيدك بهذا الكلام والحقيقة هاي الايام صاير بالمنتدى سباق العضو مجرد يدخل يكول شكرا ويطلع حتى بدون قرائه الموضوع مجرد يزيد عدد مساهماته
وبالنسبه للعضو حسن عاشق كريستيانو اني دائما انبهه وحتى على كثرة المواضيع اللي ينزلها في اليوم الواحد ولكن مع
الاسف اخر مرة يجاوبني ويكلي اذا فري ستار مينطينه مجال مشاركاته توصل لل 700 كأنه عدهم سباق

عندي ملاحطة اني كلتها للادارة وصار اكثر من مرة تحدث معي وهي انه ليس لدي اي صلاحيه للاشراف واكيد اكو خطأ بالموضوع فانا مشرفة بالاسم فقط
تحياتي لكي سارة وشكرا

شكرا على التنبيه سارهـ وميس اني ولايوم وصلت مشاركاتي 700 اني اكثر مرة وصلت مشاركاتي 600
وكنت كاعد على النت لمدة 24 ساعه كامله ومنزلت اي موضوع وتكدرين اتبحثين عن مواضيعي وهسه اتشوفيها كلش قليله وباقي الايام مشاركاتي متجاوز 200 مشاركه ةكلها مجرد ردود وليست مواضيع واذا كان يتسابق على الاغنيه فراح اتنازل عن الاغنيه مالتي وخلي ياخذ للاغنيه التعجبه بس خلي ينتبه على مواضيعه اكثر ويقرة الموضوع قبل ميخلي رد عشوائي مابي فائدة وبلنسبه للصلاحيات جاري التاكد منها + راح انزل صور لتعليم الاشراف في قسم تعليم الاشراف قريبا تحياتي الكم

شكرا فرووش على جوابك اكيد اني انتبهت ان مشاركاتك اكثرها ردود وهذا الشي اعرفه بس اني حبيت انقل الصورة بعد جواب حسن الي بعد التنبيه وتحياتي لك
وشكرا لك

شكرا على ردودكم وفري ستار مجتهد دوما و ولا مره نزل موضوع بي خطا واني اشهدله بهذا الشي

شكرا ميوسه على الرد

وشكرا فروش يا متميز

تحياتي يا سارة و المهندسة ميس و فير ستار صح المهندسة ميس تراقب مشاركاتي و اتنبهني على عدم زيادة المشاركات اني مو قصدي انزال المشاركات حتى افوز بل الخمسة الاوال لا بل كن انزال المشاركات حتى الكبر المنتدة اكو اعضاء ينزلون مشاركات اكثر مني ما حب اكول اسماهم المضوع ما الشعر مو قصدي انزالة اكلب السماح من الاعضاء وخاصة من المهندسة ميس و سارة و فيري ستار بس اكول يخطة و يسامحون من الخطة بس اني خلطت بي ماسامحت من خطتيي
غلطان اعترف اني غلطان وشكركم على التنبية المتاخر واذا تردون اطردوني واللة ما ازعل لان اني غلطت ومحد سامحني وبعد ما ازل اي مشاركة لان اني مطرود و ما مرغوب بية بل المنتدة شكرا يا جميع الاعضاء لان قضيت و اجمل الايام شكرا يا ورود

شكرا حسن على الرد وتحياتي لك واكيد هذا التنبيه مو معناه انك غير مرغوب بيك بالعكس عندك مشاركات حلوة ونشكرك عليها ونتمنى ان تبقى معانه لكن بالقوانين الموجودة
وبالنسبة الي اني ما اكدر انبه اي عضو منزل مشاركة في قسم الشعر لانه مو اختصاصي اني مشرفة المعلومات العامة ومالي حق انبه اي عضو بغير قسم
واكيد هذا كلامنه هو حرص من عدنا على المنتدى لكي يكون اجمل واجمل بوجودك وبوجود باقي الاعضاء المميزين ونتمنى منك التفهم
تحياتي

شنو هل حجي حسن الكل يحبك ويريدك صدكني بس هذولة مثل خواتك الكبار ولازم تتقبل النصيحة بكل روح رياضية صدكني هم المصلحتك حتة متسمع كلام من الاعضاء حسوني انت غالي علينا ومحلة منك تزعل من نصائح خواتك

شكرا يا غزال يا وردة واني اشكرج بس ما سامحوني عبالهم اني متقصد و سوف انسحب
محد سامحني حتى في الرسائل الخاصة

يا أخي حسن محد زعلان عليك حتى نسامحك احنه مجرد ننصحك لكونه مشرفين لا اكثر وحرصا منا على المنتدى
الخيار لك في الانسحاب او البقاء مع العلم بأننا سوف نزعل لانسحابك ولزعلك منا
تحياتي لك

يا وردة اني سويتي بية

واللة اترك الامر الاعضاء همة يقررون ان يبقوني اويطردوني

حسن وضحتلك السبب واني مغلطت وياك ورده ولا دا اكولك انسحب بس دا انبهك حتى متوكع بالغلط

شفت حسوني ما اكو داعي لهذا التصرف الطفولي انت عضور اعلى من المتمير واني والاعضاء والمشرفين منريد نخسرك او نخسر عضو مثلك ولو هم ميحبوك مجان نصحوك لان اجمل شي بالحياة الصراحة صدك هذا المصلحتك قبل مصلحت المنتدى مع احترامي لميس وساره وفركوش والك يا وردة ..ورجائي بقائك بالمنتدى

اني اشوف ماكو داعي لانسحابك وانت جبير وتفتهم هواي غيرك نبهناهم وتفهمو الشغله

ماكو اي داعي الانسحاب حسن احنه دنبهك وهذا شغل المشرفين حتى مرة ثانيه متوكع بل غلط لان احنه انحبك ومنقبل انشوفك تغلط ونبقه ساكتين تحياتي الك

شكرا يا جميع الاعضاء اني اشكركم ما راح انسحب

شكرا حسن ونتمنى منك ان تفهمنا ومتكرر خطأك مرة ثانية واكيد كلنه نحبك ونحب مشاركاتك ونتمنالك الموفقية
تحياتي
\
[ندعوك للتسجيل في المنتدى أو التعريف بنفسك لمعاينة هذه الصورة]

شكرا على التفاهم وتم غلق الموضوع لانه توصل الى حل

تحياتي

شكرا حيدر