اذاموبيك اسولف انة ما موجود
لئن بس بيك اسولف كل وكت انة
تدري انتة بمكانك وين بية ايصير
بس شوية اوخر تطلع اهنانة
موبس انةاحبك انةوانةاهواي
وبعد من عندي عشرة نحبك ويانة
ادري انتة بشربس هالخضار امنين
ابو البستان شافك حرك بستانة
الورد من شاف طولك بس عليه مريت
ما يقبل بعد يكعد بسندانة
ادري شلون رايك يعني كلنة انموت
كول انموت كلنة امنين دفانة
بت هوفن لون سامعك ما صار
يم صوتك امس جا كعدت الحانة
الحانة وداعتك سكرت ناس اهواي
بس انت الوحيد السكرت حانة
يلوموني من اشوفك اسكت من الخوف
عمي الشاف طولك ضيع السانة
ربك بالخلق سواك بس سواك
وانة وذولة مدري اشلون سوانة
لا تنطيني عين يجوز الهس بيك
بس اطيني جارك اشتم اردانة
بس كون افتهم فارس احلامك وين
وهنيالة اليشوف مبارك احصانة
بس اوكف دقايق رحمة للعباس
بس اتمر عليك اطيب مرضانة
ماحبن هلك بس انة اخاف اعليك
احب يوسف نعم بس اكره اخوانة
اذا بس انتة بيهة الدنيا كلهة بخير
واذا ما بيهة انتة الدنيا خربانة
_________
__________
___________
____________
_____________